Культура33

Трэці сезон шоу «Фактар.by» выйграў невідушчы спявак Данііл Савеня

У фінальным выпуску ён выканаў, сярод іншых, песню Шамана «Жывы», а пасля перамогі — «Сівую ноч» Юры Шатунова. Данііл быў у камандзе Сярогі.

Данііл Савеня. Скрыншот відэа «Беларусь 1».

Прызам пераможцу стаў новенькі аўтамабіль. Суперфінал трэцяга сезона праекта паказалі ў эфіры «Беларусь 1» вечарам 26 студзеня, піша «Камсамолка».

Пра 19-гадовага Данііла Савеню ў Беларусі ўжо чулі. Бо менавіта ён атрымаў Гран-пры конкурсу маладых выканаўцаў на Нацыянальным фестывалі песні і паэзіі «Маладзечна-2023». Ураджэнец Слуцка, Данііл 9 гадоў вучыўся ў Маладзечне — у мясцовай спецыяльнай агульнаадукацыйнай школе-інтэрнаце для дзяцей з парушэннямі зроку.

Савеня — навучэнец Мінскага дзяржаўнага каледжа мастацтваў. У інтэрв'ю юнак распавядаў, што свой далейшы шлях хацеў бы звязаць з гукарэжысурай і музычным прадзюсаваннем.

Хлопец таксама спяваў «Мой родны кут» на музыку Ігара Лучанка і тэкст Якуба Коласа, «Потерянный рай» гурта «Арыя», «Как молоды мы былі», якую спяваў Аляксандр Градскі, і нават песню «Звеніт январская в'юга».

А біяграфія Данііла Савені, яго ўзыходжанне на сур'ёзную сцэну, пачалася, калі яму было 7 гадоў. Менавіта тады хлопчык пачаў удзельнічаць у конкурсах — беларускіх і міжнародных. У 10 гадоў ён праспяваў гімны Беларусі, Латвіі і Фінляндыі на «Мінск-Арэне». Яго здольнасці ацаніла расійская спявачка Дыяна Гурцкая.

Пасля абвяшчэння вынікаў трэцяга сезона «Фактар.by» Данііл Савеня звярнуўся да прысутнага ў зале бацькі:

— Ці памятаеш, мы марылі, што ў нас будзе новы аўтамабіль? На гэтай машыне мы паедзем у вялікае падарожжа пад назвай жыццё. Няхай усё, што адбылося сёння, застанецца ў памяці назаўсёды.

Канкурэнтамі Данііла па суперфінале трэцяга сезона «Фактар.by» былі Маргарыта Шыбаева з каманды Руслана Аляхно і Аляксей Будзько, падапечны Вольгі Бузавай.

Каментары3

  • даведка
    27.01.2024
    Иван Эйсмонт так хвастался рекордными рейтингами просмотров, но вчера ему пришлось озвучить, что поступило всего каких-то 90 тысяч голосов, притом что каждый пользователь  мог отправить до пяти сообщений.
  • даведка
    27.01.2024
    Я уже думал, что Иван Эйсмонт отдаст победу и жеребца Вадиму Боровику, так часто того показывала камера.
  • Віншуем
    27.01.2024
    Данііл таксама спяваў прыгожую песню "Асветніца" пра Еўфрасінню Полацкую. А атрымаўшы ўзнагароду, прамовіў па-беларуску.

Цяпер чытаюць

У фінскім серыяле расіяне высаджваюць дэсант з самалёта «Белавія». Што робяць Суомі?

У фінскім серыяле расіяне высаджваюць дэсант з самалёта «Белавія». Што робяць Суомі?

Усе навіны →
Усе навіны

«Вось зараз замірымся. Ніводнага стрэлу. І? Вось гэта катастрофа. Таму што да гэтага не гатовыя» — Венядзіктаў8

Лукашэнка на нарадзе пра кіно: Без вас мы можам абысціся. Вас няма11

56-гадовую віцяблянку будуць судзіць за порнастрымы ў інтэрнэце10

Прайшоў другі этап абмену расійска-ўкраінскага абмену ваеннапалоннымі. Абмянялі і аднаго беларуса2

Стала вядома, каго з расійскіх вайскоўцаў лячылі ў бальніцах Гомельшчыны ў пачатку вайны13

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца23

«Вы за ўсё адкажаце». Беларусам на прайдзе ва Уроцлаве таксама пагражалі невядомыя55

«Вакол вайна, вакол бушуе. Вазьміце Фінляндыю». Лукашэнка прачытаў кіношнікам лекцыю па міжнародным становішчы10

Еўракамісія прапануе знізіць верхнюю мяжу цаны на нафту1

больш чытаных навін
больш лайканых навін

У фінскім серыяле расіяне высаджваюць дэсант з самалёта «Белавія». Што робяць Суомі?

У фінскім серыяле расіяне высаджваюць дэсант з самалёта «Белавія». Што робяць Суомі?

Галоўнае
Усе навіны →

Заўвага:

 

 

 

 

Закрыць Паведаміць