Мігрантка з Эфіопіі цяжарнай ляцела ў Еўрасаюз, а нарадзіла ў Магілёве
Перажытыя цяжкасці дарогі прывялі да таго, што ў эфіопкі пачаліся заўчасныя роды.
Грамадзянка Эфіопіі трапіла ў Беларусь з групай суайчыннікаў. Дабрацца да Еўрасаюза ім не ўдалося.
Цяжарную іншаземку пасялілі ў Слаўгарадскім пункце часовага перабывання эмігрантаў.
Слаўгарад знаходзіцца за 70 кіламетраў ад Магілёва і праз яго праходзіць шаша з Расіі.
З глыбінкі Магілёўшчыны жанчыну, якая не мае і дваццаці гадоў, прывезлі ў Магілёўскую бальніцу №1. Тутэйшая радзільня выходжвае неданошаных дзяцей. Адтуль маці з дачкой перавялі ў абласную лякарню.
17 студзеня абедзвюх пацыентак бальніцы выпісалі. Мігрантка назвала дачку Івай.
Як паведамілі магілёўскія паблікі, маці з дзіця забіраў з бальніцы Чырвоны Крыж «ва ўрачыстай абстаноўцы».
У Слаўгарадзе ёй выдзелілі асобны пакой у інтэрнаце, які вызначаны пад месца часовага пражывання эмігрантаў.
Эфіопка забяспечаная ўсім неабходным і надалей яе будзе патранаваць раённая арганізацыя Чырвонага Крыжа, сказаў кіраўнік абласной арганізацыі таварыства Андрэй Мартыноўскі.
***
Гісторыя з эфіопкай адбываецца на фоне міжнароднага скандалу, выкліканага датычнасцю беларускага Чырвонага Крыжа да вывазу ўкраінскіх дзяцей з акупаваных тэрыторый у Беларусь, а таксама наведваннем кіраўніком арганізацыі Дзмітрыем Шаўцовым Данбасу. Там на яго адзенні быў сімвал расійскай агрэсіі — лацінская літара Z.
Міжнародны Чырвоны Крыж запатрабаваў звольніць Шаўцова, а калі тое не было зроблена, прыпыніў сяброўства і фінансаванне беларускага таварыства. У адказ беларускі Чырвоны Крыж заявіў аб прыпыненні грашовай падтрымкі бежанцам і мігрантам, патлумачыўшы гэта спыненнем супрацоўніцтва з партнёрамі.
«Наша Нiва» — бастыён беларушчыны
ПАДТРЫМАЦЬГлядзіце таксама:
Міжнародны Чырвоны Крыж адхрысціўся ад паездак Шаўцова на Данбас
«А мы гэта канкрэтна можам зрабіць» — Шаўцоў з Чырвонага Крыжа пра ядзерную зброю
На межах Беларусі з Польшчай і Латвіяй загінулі тры мігранты
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары