Мужчына амаль чатыры гады адгадоўваў валасы, каб яго каханая зрабіла з іх парык
У блогеркі Ханны Хоскінг дыягнаставалі алапецыю, калі ёй было ўсяго сем гадоў. Пяць гадоў таму валасы пачалі вельмі моцна выпадаць, таму дзяўчына вырашыла пагаліць галаву і пачала насіць парыкі.
У 2019 годзе Ханна пазнаёмілася з Кодзі і неўзабаве ў іх завязаліся рамантычныя стасункі. Праз паўгода пасля знаёмства хлопец зрабіў незвычайную прапанову: «Калі я адрашчу для цябе валасы, якой даўжыні ты іх хацела б?» Дзяўчына жартаўліва адказала, што хоча не менш за 70 см валасоў, але хлопец без ваганняў пагадзіўся.
У маі 2020 года Кодзі перастаў стрыгчыся. Хлопец старанна падышоў да адрошчвання валасоў: ён карыстаўся дарагімі шампунямі і бальзамамі, заплятаў валасы ў косы і пакрываў іх шаўковымі хусткамі на ноч.
Кодзі адгадаваў 73 см валасоў. У кастрычніку ён адрэзаў усё, што гадаваў цягам апошніх трох з паловай гадоў, і замовіў парык.
Днямі блогерка атрымала гатовы выраб. Ханна прызналася, што ўчынак каханага крануў яе да слёз.
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе6
Каментары