Мужчына агулам згубіў 50 тысяч рублёў.
У жніўні мужчына вырашыў зарабіць на біржавых таргах, адгукнуўшыся на аб'яву ў месенджары. За два месяцы «ўклаў» у справу ўсе свае зберажэнні, а калі захацеў атрымаць прыбытак, вывесці грошы не ўдалося. У выніку ілжэброкерам дасталіся 37 тысяч рублёў, пішуць Мінск-навіны.
У снежні яму патэлефанавалі ў месенджары: мужчына, які назваўся супрацоўнікам міліцыі, запэўніваў, што ад імя мінчука хтосьці спрабуе аформіць крэдыт у банку. Гэта пацвердзілі і ў «службе бяспекі» фінансавай установы, куды нібыта быў перанакіраваны званок.
У выніку кліента ўгаварылі ўзяць крэдыт, каб дапамагчы злавіць зламыснікаў, а таксама прапанавалі «застрахаваць» свае зберажэнні. Даверлівы мужчына падзяліўся персанальнымі данымі і данымі свайго рахунку: прапала 16 тысяч рублёў.
— Усе гісторыі з падманам у інтэрнэце пачынаюцца аднолькава. Злачынцы знаходзяць ахвяру праз аб'явы аб прывабным заробку, а пасля псіхалагічнай апрацоўкі завалодваюць іх грашыма. Спробы вярнуць свае грошы назад, натуральна, беспаспяховыя, — распавёў намеснік начальніка УУР ГУУС Мінгарвыканкама Андрэй Арлоўскі.
Цяпер чытаюць
Што робяць з беларусамі, якіх арыштавалі, але не паспяваюць асудзіць за пратэсты. Ёсць два шляхі4
Каментары