У часова акупаваным расіянамі Крыме 4 студзеня пад вечар з'явіліся паведамленні пра выбухі ў Севастопалі і Еўпаторыі. Расійскае Мінабароны заявіла, што сілы ягонага СПА нібыта знішчылі над паўвостравам 10 ракет.
Камандуючы Паветранымі сіламі УСУ генерал-лейтэнант Мікола Аляшчук паведаміў у тэлеграме, што гэтыя выбухі — вынікі ўкраінскай спецаперацыі:
«2 студзеня Міністэрства хлусні РФ адсправаздачылася аб паражэнні расійскімі ракетамі «бункера з намеснікам галоўнакамандуючага Валерыя Залужнага і яшчэ дзевяццю генераламі УСУ». Прывітанне акупантам у Крыме! Чакаю ад варожай прапаганды такой жа эпічнай справаздачы і з Севастопаля ды Еўпаторыі 4 студзеня і які ўжо раз дзякую пілотам Паветраных сіл і ўсім, хто планаваў аперацыю, за бездакорную баявую працу!»
У сваю чаргу кіраўнік акупацыйнай адміністрацыі Севастопаля Міхаіл Разважаеў назваў атаку на горад «самай масіраванай за апошні час».
Мясцовы рэсурс «Крымскі вецер» са спасылкай на сваю крыніцу піша, што ў раён сяла Уютнае Сакскага раёна паехала шмат машын хуткай дапамогі. Сцвярджаецца, што быў прылёт у вайсковую часць СПА, якая там размяшчаецца.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў53
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1717
Каментары