Надзея Скардзіна расказала, як ледзь не трапіла ў Швейцарыі пад лавіну
Былая беларуская біятланістка Надзея Скардзіна распавяла ў сацсетках, як ледзь не трапіла пад лавіну ў Швейцарыі, піша «Камсамольская праўда».
Алімпійская чэмпіёнка 2018 года адразу пасля таго завяршыла прафесійную спартыўную кар'еру, у жніўні наступнага года выйшла замуж за швейцарскага біятланіста Марціна Егера, а ўвосень 2019 нарадзіла сына Данілу. Пара жыве ў Швейцарыі.
Надзея разам з мужам і цяпер 4-гадовым сынам часта ходзіць на лыжныя шпацыры ў горы. Даніла ўпершыню стаў на лыжы і канькі, калі яму не было нават трох гадоў.
Нядаўна Надзея і Марцін, узяўшы з сабой Данілу, адправіліся на горны шпацыр, і ўсё было выдатна, пакуль літаральна за некалькі сотнях метраў ад іх здарыўся зусім нечаканы, імклівы і вельмі маштабны сыход лавіны.
На шчасце, ніхто не пацярпеў, а маленькі Данііл быў вельмі ўражаны гэтай незвычайнай прыроднай з'явай.
Падпісчыкі закідалі Надзею лайкамі і пажаданнямі дабра.
Надзея Скардзіна была адной з вядомых беларускіх спартсменак, якая актыўна падтрымала пратэсты 2020 года. 29 кастрычніка 2020 года яна стала 1000-й падпісанткай адкрытага ліста спартсменаў за сумленныя выбары. Таксама яна выказвала салідарнасць з пратэстоўцамі, са збітым братам сваёй сяброўкі Дар’і Домрачавай і звольненай чэмпіёнкай свету па фрыстайле Аляксандрай Раманоўскай. Калі пачалася вайна ва Украіне, Надзея выказалася за мір.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы88
Каментары