Выкладчыка Сялецкага звольнілі з ЕГУ. Раней яго абвінавачвалі ў харасменце
Выкладчык ЕГУ і мастак Сяргей Сялецкі, якога студэнткі абвінавацілі ў харасменце, больш не працуе ва ўніверсітэце. «Нашай Ніве» пацвердзілі гэта ў аддзеле камунікацыі ЕГУ.
Скандал вакол асобы Сялецкага разгарэўся восенню 2023 года. У сярэдзіне верасня мастак збіраўся ладзіць сваю выставу ў віленскай прасторы CreateCulture Space, але падзею адмянілі пасля таго, як да прасторы звярнуліся незадаволеныя. Людзі цікавіліся, чаму прастора лічыць магчымым арганізоўваць выставу чалавека з сумнеўнай рэпутацыяй.
Тады ж у беларускіх незалежных медыя з'явіліся сведчанні жанчын, якія сутыкаліся ў ЕГУ з харасментам і булінгам з боку Сялецкага. «Наша Ніва» таксама расследавала гэтую гісторыю. Дзве былыя студэнткі Сялецкага і адна цяперашняя расказалі пра парушэнні этыкі з боку выкладчыка. Абвінавачванні датаваліся рознымі гадамі, але мастак па-ранейшаму працаваў у сценах ЕГУ.
Пасля серыі публікацый ва ўніверсітэце распачалі ўнутранае расследаванне, а Сялецкага адхілілі ад працы. Была створаная камісія, якая мусіла заслухаць сведчанні меркаваных ахвяр выкладчыка, а потым перадаць рэкамендацыі рэктару, каб той прыняў рашэнне наконт далейшай працы з мастаком. І 15 снежня стала вядома, што Сяргей Сялецкі звольнены з ЕГУ.
Кейс Сялецкага паказвае, што ў беларускай установе можа быць месца культуры адмены і расследавання абвінавачванняў у харасменце, а таксама абароны правоў жанчын.
«Наша Нiва» — бастыён беларушчыны
ПАДТРЫМАЦЬВыкладчыка ЕГУ, якога вінавацяць у харасменце, адхілілі ад працы. На некалькі дзён
Цяпер чытаюць
Бабарыка тры хвіліны адказваў на пытанне, чый Крым. Так і не адказаў148
Каментары