Цэны на квіткі з Польшчы ў Беларусь выраслі ў 2-3 разы. Колькі каштуе з'ездзіць на навагоднія святы
Квіткі на многія рэйсы з Варшавы ў беларускія гарады ўжо распрададзеныя, а на тыя, што засталіся, перавозчыкі ўзвінцілі цэны ў некалькі разоў.
Мінск-Варшава-Мінск
Цэны на квіткі з Мінска да Варшавы блізкія да стандартных. За выключэннем 2 студзеня, калі цана пачынаецца з 200 рублёў.
У адваротным кірунку, з Варшавы да Мінска, звычайна можна дабрацца за 110-140 рублёў. Квіткі па такіх цэнах дасяжныя і на выезд 12 снежня. Але з набліжэннем Калядаў і Новага года тарыф пачынае расці. Квіткі на пятніцу 15 снежня засталіся толькі па 200 рублёў з чалавека. На некаторыя іншыя перадсвяточныя дні — па 250 рублёў з чалавека ў адзін бок.
Але і гэта не так шмат у параўнанні з квіткамі па 350 рублёў.
Гродна-Варшава-Гродна
З Гродна да Варшавы ў канцы снежня можна даехаць за 100-110 рублёў. Гэта звычайная цана.
Але з адваротным маршрутам няпростая сітуацыя. Напрыклад, набыць квіткі на сайце перавозчыка з выездам з Варшавы на 21-23 снежня наогул немагчыма, бо яны ўсе распрададзеныя.
Засталося крыху квіткоў з Варшавы да Гродна з выездам вечарам 25 снежня. Цана — 340 рублёў з чалавека ў адзін бок. Такія самыя цэны і на 28 снежня.
А вось на студзень 2024 года квіткі з Варшавы да Гродна каштуюць ужо ад 100 рублёў.
Кратнае павышэнне цаны тлумачыцца ўзрослым попытам. На сайце перавозчыка пазначана, што гэта вымушаная мера, якая дазваляе прыцягнуць больш транспарту, каб месцаў хапіла большай колькасці пасажыраў.
Чытайце таксама:
Колькі цяпер займае праходжанне мяжы? Беларусы пра паездкі ў ЕС на аўтобусах і аўто
У Варшаве здаюць кватэру плошчай усяго 9 м². Вось як гэта выглядае
Цяпер чытаюць
Пасля беларускай вёскі Шнайдэраў больш не бянтэжыць пытанне ЛГБТ. Сям'я з Германіі, якая стала героямі прапаганды, вяртаецца ў ЕС27
Каментары