Паводле звестак Дзяржаўнай памежнай аховы Латвіі, у суботу раніцай на трох латвійскіх памежных пунктах у чарзе на ўезд у Расію ці Беларусь стаялі больш за 1000 грузавікоў.
Ілюстрацыйнае фота
Самыя вялікія чэргі — на латвійска-беларускай мяжы. На памежным пункце Патэрніекі сваёй чаргі чакаюць 660 грузавікоў. Такая колькасць грузавікоў у чарзе назіраецца з вечара 1 снежня, піша Delfi.lv.
На памежным пункце Церахава на латвійска-расіскай мяжы ў чарзе стаяць каля 430 грузавікоў. З 00:00 іх колькасць зменшылася ўсяго на 10.
Прычына чэргаў не называецца.
Доўгія чэргі назіраюцца з пачатку лістапада, калі колькасць грузавікоў на пунктах пропуску пачала імкліва расці.
Цяпер чытаюць
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары