Таксама з'явілася некалькі манет з серыі «Архітэктурная спадчына».
Манеты «Беларуская батлейка» выпушчаныя ў двух варыянтах: срэбная і медна-нікелевая.
Срэбная мае мае намінал 50 рублёў, масу 67,20 г, пробу сплаву 925, памер 64,00 × 32,00 мм, тыраж 599 штук;
медна-нікелевая мае намінал 1 рубель, масу 57,70 г, памер 64,00 × 32,00 мм, тыраж 1 700 штук.
Манеты маюць прастакутную форму, з пярэдняга і адваротнага бакоў — кант, які выступае па перыметры. Бакавая паверхня манет з насечкай.
На аверсе размешчана выява двух'яруснай батлейкі са сцэнай са спектакля «Цар Ірад», злева і справа ад яе — анёлы, якія граюць на музычных інструментах. У левай і правай частках манеты размешчаны палі, запоўненыя стылізаванымі сняжынкамі.
На рэверсе — стылізаваная калядная зорка, якая мае ўстаўку з сінтэтычнага крышталя, унізе — надпіс «Батлейка»; злева і справа ад батлейкі — вешчуны, якія прыносяць дары немаўляці Ісусу.
Паведамляецца, што манеты з'яўляюцца законным плацежным сродкам і абавязковыя да прыёму па намінальным кошце пры ўсіх відах плацяжоў.
Таксама Нацбанк выпусціў некалькі манет з серыі «Архітэктурная спадчына»:
«Троіцкі касцёл. Чарнаўчыцы», «Сядзіба Чырвоны Бераг», «Лідскі замак», «Успенскі касцёл. Мсціслаў», «Свята-Успенская царква. Сар’я», «Спаса-Праабражэнская царква. Заслаўе» наміналам 2 рублі, дыяметрам 23,50 мм, вырабленыя са сталі, пакрытай меддзю і латунню (кольца), і сталі, пакрытай меддзю і нікелем (сярэдзіна), масай 5,81 г, тыражом 25 тысяч штук кожная.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове2
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары