МУС Літвы прапануе павялічыць тэрмін дзеяння пашпарта замежніка для беларусаў
Міністр Агне Білатайце ўхілілася ад прамога адказу на пытанне, ці ўтрымлівае праект змены ва ўмовах выдачы пашпарта.
Міністэрства ўнутраных спраў Літвы ў найбліжэйшыя дні ўнясе ў Сейм законапраект аб павелічэнні тэрміну дзеяння пашпарта замежніка, які выдаецца ў краіне, піша Reform.by са спасылкай на BNS.
«У найбліжэйшы час мая прапанова да закона «Аб прававым становішчы замежнікаў» будзе зарэгістравана альбо мной, альбо сумесна з маімі калегамі. І будуць прапановы прадоўжыць тэрмін дзеяння пашпарта замежніка. Вядома, гаворка ідзе не пра ўсіх, а пра выключных асоб, якія сапраўды пераследуюцца і дакладна не могуць вярнуцца ў Беларусь», — сказала міністарка.
Білатайце ўхілілася ад прамога адказу на пытанне, ці ўтрымлівае праект змены ва ўмовах выдачы пашпарта. Цяпер яго могуць атрымаць замежнікі, якія з аб'ектыўных прычын не могуць аформіць дакументы на радзіме.
Раней міністарка выказвалася за тое, каб пашпарты замежніка выдаваліся «тым асобам, якія пацярпелі або падвяргаюцца пераследам з боку рэжыму», а каб гэты працэс працаваў, трэба падключыць да яго і Дэпартамент дзяржбяспекі.
«Паглядзім, якая будзе фармулёўка. Ці будзе гэта прадугледжана падзаконнымі актамі або ў самім законе — гэта пытанні юрыдычнай тэхнікі», — сказала яна.
Цяпер пашпарты замежніка выдаюцца на год. Дагэтуль у МУС краіны казалі, што тэрмін іх дзеяння могуць павялічыць да трох гадоў.
Нагадаем, нядаўна грамадзяне Беларусі пазбавіліся магчымасці атрымліваць і абменьваць пашпарты ў пасольствах і консульствах краіны за мяжой. Для абмену дакументаў абавязкова ехаць у Беларусь, аднак многія асцерагаюцца гэта рабіць праз магчымы пераслед з боку сілавікоў.
Арыштаваны дырэктар Палаца Рэспублікі, адзін з арганізатараў Марафона адзінства9
Каментары