Пуцін «з радасцю прыняў запрашэнне дарагога таварыша Кім Чэн Ына» наведаць КНДР
Лідар КНДР Кім Чэн Ын падчас сустрэчы з прэзідэнтам Расіі Уладзімірам Пуціным запрасіў яго наведаць Паўночную Карэю. Расійскі прэзідэнт прыняў запрашэнне, паведамляе «Коммерсант» са спасылкай на паўночнакарэйскія СМІ.
«Пасля размовы дарагі таварыш Кім Чэн Ын сардэчна запрасіў прэзідэнта Пуціна наведаць Карэйскую Народна-Дэмакратычную Рэспубліку ў зручны час. Прэзідэнт Пуцін з радасцю прыняў запрашэнне», — гаворыцца ў паведамленні.
Кім Чэн Ын прыбыў у Расію 12 верасня. Яго сустрэча з Уладзімірам Пуціным прайшла на касмадроме Усходні раніцай 13 верасня. Перамовы ў пашыраным фармаце працягнуліся каля гадзіны. Потым прэзідэнт Расіі і лідар КНДР перагаварылі тэт-а-тэт.
Па словах Уладзіміра Пуціна, у яго з лідарам КНДР адбыўся «адкрыты абмен думкамі» па сітуацыі ў далёкаўсходнім рэгіёне, таксама яны абмеркавалі сельскую гаспадарку. Прэс-сакратар прэзідэнта Дзмітрый Пяскоў адзначыў, што Кім Чэн Ын вельмі цікавіўся магчымасцямі супрацоўніцтва РФ і КНДР у сферы медыцыны і адукацыі.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары