Кім Чэн Ын падняў тост за перамогу Расіі і выказаў падтрымку агрэсару ў «свяшчэннай барацьбе»
Кіраўнік КНДР Кім Чэн Ын выказаў упэўненасць у перамозе Расіі над «зборышчам зла», якое «мае ілюзіі аб гегемоніі». Так ён заявіў, выступаючы з тостам на афіцыйным абедзе з прэзідэнтам Расіі Уладзімірам Пуціным.
«Упэўненыя ў тым, што расійскае войска і народ абавязкова атрымаюць вялікую перамогу ў свяшчэннай барацьбе за пакаранне зборышча зла, якое прэтэндуе на гегемонію і мае экспансіянісцкія ілюзіі», — цытуе ТАСС Кім Чэн Ына.
Таксама ён падняў тост за перамогу Расіі.
Перамовы паміж кіраўнікамі Расіі і КНДР праходзілі на касмадроме Усходні ў Амурскай вобласці. Спачатку кіраўнікі дзяржаў пагутарылі з удзелам дэлегацый, потым — тэт-а-тэт. Паводле прэс-службы Крамля, у парадку дня былі пытанні двухбаковага супрацоўніцтва, у тым ліку гандлёва-эканамічныя сувязі і культурныя абмены, а таксама сітуацыя ў рэгіёне і ў свеце ў цэлым. Падрабязнасці дамоўленасці не паведамляюцца.
Цяпер чытаюць
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
То член семёрки и вершитель судеб,а теперь - попрашайка снарядов у кима !!!!