У матчы другой лігі беларускага чэмпіянату выйшаў на поле 68-гадовы футбаліст
Цікавы эпізод здарыўся ў матчы фінальнага этапу Гродзеншчыны, дзе ў мінулую нядзелю «Смаргонь-2» прымала «Масты».
У гэтай гульні была зафіксавана мінімальная перамога (1:0) гасцей.
Аднак увагу на сябе звяртае ў першую чаргу іншы факт. У складзе гаспадароў на замену на 84-й хвіліне выйшаў Сяргей Новік — 68-гадовы абаронца. Ён нарадзіўся 24 чэрвеня 1955 года, звяртае ўвагу football.by.
Перш у гэтым сезоне Новік (дарэчы, ураджэнец Смаргоні) двойчы трапляў у заяўку клуба з роднага горада на матчы трэцяга дывізіёна, аднак на поле не выходзіў.
Самым сталым прафесійным футбалістам у свеце лічыцца японец Міура Кадзуёсі, якому цяпер 56 гадоў. Ён выступае за партугальскі «Алівейрэнсэ» з другой лігі.
У Беларусі ж за «Чысць» з другой лігі гуляў Мікалай Мятліцкі ва ўзросце 58 гадоў.
Той самы масажыст расказаў, навошта здымаў голых кліентак2
Каментары