Пры рынкавым кошце «Ювентуса» ў памеры €800 мільёнаў прадаць яго могуць за суму ў €1,5 мільярда.
Сям'я прадпрымальнікаў Аньелі, якая валодае правамі на «Ювентус», прыняла рашэнне прадаць футбольны клуб і прыступіла да пошуку патэнцыйных пакупнікоў, паведамляе Championat.
Па звестках крыніцы, цяпер продаж клуба лічыцца крокам нялёгкім, але ўжо не немагчымым.
Адзначаецца, што пры рынкавым кошце «Ювентуса» ў памеры €800 млн прадаць яго могуць за суму ў €1,5 млрд.
Сям'я Аньелі валодае «Ювентусам» на працягу сотні гадоў. У лістападзе 2022 года прэзідэнт турынскага клуба Андрэа Аньелі пакінуў пасаду на фоне расследавання фінансавых махінацый. Ён узначальваў клуб з 2010 года.
У мінулым сезоне «Ювентус» заняў сёмае месца ў турнірнай табліцы серыі А, набраўшы 62 пункты. 10 пунктаў з турынцаў знялі за фінансавыя парушэнні і не пусцілі ў еўракубкі.
«Ювентус» быў заснаваны ў 1897 годзе. У клуба 36 тытулаў чэмпіёна Італіі. У «Інтэра» і «Мілана» па 19 тытулаў.
Цяпер чытаюць
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары