Сталіцу Расію ноччу 22 жніўня зноў атакавалі беспілотнікі, у горадзе Краснагорск Маскоўскай вобласці пашкоджаны шматпавярховік і аўтамабілі.
Як паведамляе «Astra», у Краснагорску пасля выбуху ў дамах павыляталі шыбы і пашкоджаныя аўтамабілі. На асфальце аднаго з двароў ляжалі абломкі меркавана БПЛА.
Канал «Shot» сцвярджае, што над Краснагорскам дрон быў збіты ў раёне будынка ўрада Маскоўскай вобласці.
Выбух таксама чулі жыхары маскоўскага раёна Строгіна. Пасля выбуху ў небе бачны дым.
У Краснагорску пашкоджаныя фасад і вокны 25-павярховіка і прыпаркаваныя побач з домам аўтамабілі.
Усе сталічныя аэрапорты былі закрытыя на нейкі час.
Губернатар Падмаскоўя Андрэй Вараб'ёў напісаў:
«Сёння ноччу два беспілотнікі былі перахопленыя СПА на тэрыторыі Падмаскоўя: у Часцах у Адзінцоўскай гарадской акрузе і ў Краснагорску, у Паўшынскай пойме. Асноўная ўвага ўсіх аператыўных службаў — другому інцыдэнту. Выбуховай хваляй пры падзенні былі выбітыя шыбы ў шматпавярховіку, пашкоджаныя аўтамабілі. Пацярпелых сярод жыхароў няма, узгарання таксама няма. Кіраўнік Краснагорска цяпер праводзіць абыход кватэр разам з МНС і іншымі службамі. Прашу ўсіх захоўваць спакой», — піша Вараб'ёў.
Таксама Мінабароны Расіі паведаміла, што беспілотнікі ўначы атакавалі Бранскую вобласць.
«Два БПЛА выяўленыя сродкамі СПА і падаўлены комплексамі РЭБ, пацярпелі крушэнне над тэрыторыяй Бранскай вобласці», — заявілі ў ведамстве.
Цяпер чытаюць
У віцэ-спікеркі Каардынацыйнай рады Лізаветы Пракопчык сабралася $12 тысяч даўгоў73
Каментары