42-гадовы вілянчук стаў апошнім зарэгістраваным кантрабандыстам на памежным пераходзе «Цверач»
Але замест віншаванняў мужчыну пагражае буйны штраф і канфіскацыя аўтамабіля.
42-гадовы мужчына з Вільні стаў апошнім афіцыйна зарэгістраваным кантрабандыстам на закрытым пункце памежнага кантролю «Цверач», піша Delfi.lt.
У чацвер вечарам супрацоўнікі кантрольна-прапускнога пункта «Цверач» Віленскага памежнага атрада праверылі транспартныя сродкі, якія ўязджалі з Беларусі.
42-гадовы жыхар Вільні, які знаходзіўся за рулём аўтамабіля Chrysler Grand Voyager з літоўскімі рэгістрацыйнымі нумарамі, паказаў памежнікам адпаведныя дакументы. Аднак відавочнае хваляванне кіроўцы прымусіла западозрыць, што машына можа перавозіць нелегальны груз. У выніку Chrysler быў дэталёва правераны.
Інтуіцыя мытнікаў не падвяла. Высветлілася, што пад капотам аўтамабіля, паміж радыятарам і рухавіком, знаходзілася схованка, дзе мужчына вёз 1100 пачкаў цыгарэт NZ Gold з беларускімі этыкеткамі.
За перавозку падакцызных тавараў з парушэннем устаноўленага парадку вілянчук атрымае штраф у памеры 3500—6000 еўра. Акрамя таго, ён можа пазбавіцца аўтамабіля, у якім незаконна перавозіў цыгарэты.
Цяпер чытаюць
Бяспалаў намаляваў людзей са сцягамі ў цэнтры Мінска і адправіў фота ў міліцыю. З’ехаліся тры машыны з мігалкамі49
Каментары