МЗС Польшчы расказала, што павінна здарыцца для паляпшэння адносін Варшавы і Мінска
Пасыл Аляксандра Лукашэнкі пра паляпшэнне адносін важны для Польшчы, але для гэтага павінен быць выкананы шэраг умоў, заявіў намеснік кіраўніка МЗС Польшчы Павел Яблоньскі.
«Калі Лукашэнка сапраўды хоча палепшыць адносіны з Польшчай, ён можа зрабіць гэта вельмі простым спосабам. <…> Спыніце нападаць на нашу мяжу, вызваліце Андрэя Пачобута і больш за 1000 палітвязняў… перастаньце сеяць нянавісць, спыніце гібрыдную вайну супраць Польшчы», — цытуе словы чыноўніка «Позірк».
У той час, калі Лукашэнка кажа пра неабходнасць палепшыць стасункі, адзначыў віцэ-міністр, «адбываюцца напады на польскую мяжу», таму яго словы — гэта «пустая балбатня».
Падчас наведвання нацыянальнага аэрапорта Мінск 11 жніўня Лукашэнка заявіў пра гатоўнасць аднавіць стасункі з ЕС, але з улікам «уласных інтарэсаў». Сярод іншага ён выказаў жаданне наладзіць кантакт з Польшчай, маўляў, ён даваў адпаведнае заданне прэм'еру Галоўчанку.
«І з палякамі трэба размаўляць. Я даручыў прэм'ер-міністру звязацца з імі. Калі яны хочуць, давайце размаўляць, наладжваць адносіны. Мы суседзі, а суседзяў не выбіраюць, яны ад Бога. Але ў іх 15 кастрычніка парламенцкія выбары, і, вядома, ім трэба цяпер нагнятаць, нагнятаць абстаноўку для таго, каб паказаць, што яны правільна ўзбройвалі і пераўзбройвалі краіну. Таму да 15 кастрычніка яны наўрад ці пойдуць на нейкія істотныя змены, выгадныя ім і нам. Яны шмат чаго патрабуюць ад нас і просяць, але мы на гэта пайсці не можам, бо гэта супярэчыць нашым інтарэсам», — выказаўся так учора Лукашэнка.
Лукашэнка даручаў Галоўчанку «звязацца з палякамі»
Польшча не адновіць пасажырскіх чыгуначных зносін з Беларуссю як мінімум да снежня 2024 года
Польшча ўзмоцніць мяжу з Беларуссю 10 тысячамі вайскоўцамі
«Кітай павінен паслаць Лукашэнку адпаведны сігнал». У Польшчы дапускаюць закрыццё чыгуначных пераходаў з Беларуссю
МЗС Польшчы пра закрыццё мяжы з Беларуссю: Разглядаем любыя крокі. Вагнераўцы спрабавалі пранікнуць у Польшчу
Каментары