Намеснік кіраўніка Адміністрацыі Лукашэнкі Ігар Луцкі наведаў рэспубліканскі спартыўна-масавы фестываль для працоўнай моладзі «Алімпія-2023», які праводзіцца праўладнымі моладзевымі актывістамі гэтымі днямі. У сваёй прамове ён расказаў, у чым шчасце Беларусі, і не быў у гэтым надта арыгінальны.
«Вы ведаеце, у чым шчасце Беларусі? Шчасце Беларусі ў тым, што ў яе працоўная моладзь, а не такая, што ваюе. Каб стварыць працоўную моладзь, трэба яе нарадзіць, выхаваць, навучыць. Разумееце, якая ў гэтым роля дзяржавы і колькі працы яна робіць? Колькі працы робіць прэзідэнт, надаючы гэтаму максімальную ўвагу. Столькі моладзевых ініцыятыў падтрымлівае наш прэзідэнт. Ні адзін прэзідэнт столькі не робіць, колькі наш прэзідэнт робіць для моладзі», — сказаў Ігар Луцкі.
Фестываль праходзіць у намётавым мястэчку на беразе Іслачы ва ўрочышчы Дубы Валожынскага раёна, на яго, як сцвярджае БелТА, з'ехалася «больш за 800 юнакоў і дзяўчат».
Сёлетняе мерапрыемства прысвечана 105-годдзю ВЛКСМ і праходзіць, як паведамляецца, пад агульным слоганам «Не расстанусь с комсомолом, буду вечно молодым!».
«Працаздольнасці Гарбацэвіча можна толькі пазайздросціць». Слуцкая раёнка пахваліла «Нашу Ніву»
Актывістка БРСМ узначаліла скандальную гомельскую раёнку. Шлях ад пачаткоўца да кіраўніцы заняў крыху больш за год
«Менавіта яны нараджаюць як герояў-пакутнікаў, так і лютых пачвар»
«Маглі падаць спісам 400 чалавек, а рэальна ў студатрадах працавала 100—150»
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары