У Камітэце дзяржаўнага кантролю расказалі, як пад Мінскам знайшлі 55 тон бульбы сярод будаўнічага смецця.
Паводле інфармацыі КДК, у чэрвені 2023 года ў Мінскім раёне ў закінутай сіласна-сенажнай траншэі сярод будаўнічага смецця, а таксама бытавых адкідаў супрацоўнікі ведамства знайшлі так званае пахаванне бульбы ўраджаю 2022 года. Бульба належала адной з сельскагаспадарчых арганізацый раёна.
Паведамляецца, што больш за 55 тон бульбы не толькі не было ў бухгалтарскім уліку гаспадаркі, але ў выніку неналежнага захоўвання яна пачала псавацца. У ведамстве адзначылі, што клубні месцамі былі пашкоджаныя, прараслі, а таксама сталі ўжо і гнісці.
Пасля ўмяшання кантралёраў бульбу апрыходавалі і ў поўным аб'ёме змаглі рэалізаваць на крухмальны завод. «Прычыненая гаспадарцы шкода кампенсаваная вінаватай службовай асобай», — гаворыцца ў паведамленні.
Цяпер чытаюць
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе8
Каментары
У нас у селе прэдседацель потрохі додому машыны з зерном отпраўляе, а потом по суседам продае 🤦