Украінцы ўпершыню нанеслі ўдар па расійскай базе ў Новарасійску — падбіты карабель
Міністэрства абароны Расіі ўранку распаўсюдзіла інфармацыю, што два ўкраінскія беспілотныя катары былі знішчаныя агнём у вайсковым порце Новарасійска. Аднак пазней з'явіліся кадры, як буксіры цягнуць нахілены на бок вялікі дэсантны карабель «Аленягорскі гарняк».
Новарасійск — другая па значэнні база Чарнаморскага флоту пасля Севастопаля. Пасля таго, як украінцы знішчылі крылатымі ракетамі «Нептун» уласнай распрацоўкі флагман флоту, крэйсер «Масква», караблі ў Севастопалі аказаліся прыціснутымі да бухты. Флот у Новарасійску, моцна аддалены ад украінскіх берагоў, дагэтуль адчуваў сябе адносна бяспечна. Аднак за апошні месяц украінскія беспілотнікі спачатку двойчы спрабавалі атакаваць расійскія судны на патрульных місіях у паўднёвай частцы Чорнага мора, а сёння нанеслі ўдар і па самой базе.
У Новарасійску ноччу чулі страляніну і выбухі, бачылі агонь у бухце.
Мінабароны Расіі заявіла аб спробе атакаваць вайскова-марскую базу, якая, як сцвярджаецца, аказалася беспаспяховай. Паведамлялася пра знішчэнне двух беспілотных катараў.
Аднак праз некалькі гадзін у сеціве распаўсюдзіліся відэа буксіроўкі вялікага дэсантнага карабля «Аленягорскі гарняк», які, імаверна, атрымаў пашкоджанні, бо моцна нахіліўся на левы борт.
Паводле розных падлікаў, усяго з пачатку вайны знішчана ці моцна пашкоджана ад 6-ці да 11-ці караблёў расійскага Чарнаморскага флоту.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары