У Белавежскай пушчы знайшлі яшчэ адну рэдкую расліну — сібірскі касач
Палявыя даследаванні ў паўночнай частцы пушчы, на тэрыторыі Броўскага лясніцтва, прынеслі навукоўцам прыемную знаходку — новае месца, дзе расце сібірскі касач, як паведамляе прэс-служба Нацыянальнага парку «Белавежская пушча».
Касач сібірскі, як рэдкі знікаючы від, з 1982 года быў уключаны ў Чырвоную кнігу БССР, а пазней — ва ўсе выданні Чырвонай кнігі Рэспублікі Беларусь.
Хоць касачы распаўсюджаныя па ўсёй умеранай зоне, у Белавежскай пушчы сібірскі касач сустракаецца даволі рэдка. За ўсю гісторыю батанічных даследаванняў у пушчанскіх лясах было зарэгістравана толькі 8 месцаў яго росту.
Выяўленая папуляцыя віду даволі буйная, плошча яе складае каля 500 м², а колькасць экзэмпляраў перавышае 200.
Гэтае месца росту месціцца па перыметры невялікага ляснога балотца па ўскрайку хваёва-бярозава-яловага лесу.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый27
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары