Чарговая аблава ў Гомелі: не менш за восем затрыманых за апошні час
Сёння выйшла новая справаздача гомельскага ГУБАЗіК. Людзі, як вынікае з апублікавага відэа, затрыманыя або за «экстрэмісцкія» падпіскі, або за публікацыі ў сацыяльных сетках.
Сярод васьмі затрыманых, напрыклад, 27-гадовы Багдан Дудко родам з Добруша, 33-гадовая гамяльчанка Наталля Кірушчанка. Апошнюю вінавацяць у падпісцы на нейкія з рэсурсаў, прызнаных Мінінфармам «экстрэмісцкімі».
Астатніх затрыманых сілавікі вінавацяць або ў падпісцы на «забароненыя» рэсурсы, або ў каментарах, або ў публікацыях.
Іхні лёс невядомы, як і даты затрымання: перыядычна ГУБАЗіК выкладае відэа з людзьмі, затрыманымі некалькі тыдняў таму.
Нядаўна, нагадаем, затрыманні праходзілі ў Ваўкавыску. 1 і 2 чэрвеня схапілі каля 15 супрацоўнікаў мясцовага мясакабіната, некаторых пасля праверкі адпусцілі.
За каментары затрымалі айцішніка, які выдаліў тэлеграм-акаўнт паўтара года таму. Вось як яго знайшлі
ГУБАЗіК расказаў пра жанчыну, якая «прыйшла пакаяцца». Пасля яе адправілі ў калонію і ўнеслі ў «спіс тэрарыстаў»
Затрымалі былога мадэратара сеткі «Кіроўцы 97%», на якога не маглі выйсці два гады. Распавядаем, чаго ён не ўлічыў
Каментары