У РНБА Украіны абвяргаюць заявы расійскіх СМІ аб раненні галоўнакамандуючага Залужнага
Сакратар РНБА Аляксей Данілаў напісаў у твітары, што Валерый Залужны дакладваў сёння ў Стаўцы Вярхоўнага Галоўнакамандуючага і паставіў смайлік у пасце.
«Прэзідэнт Украіны, вярхоўны галоўнакамандуючы УСУ Уладзімір Зяленскі 24.05.2023 у 10:00 заслухаў у Стаўцы даклады галоўнакамандуючага УСУ Валерыя Залужнага і іншых членаў Стаўкі», — напісаў Данілаў.
Президент України, Верховний Головнокомандувач ЗСУ Володимир Зеленський 24.05.2023 о 10.00 заслухав на Ставці доповіді Головнокомандувача ЗСУ Валерія Залужного та інших членів Ставки.
Пра тое, што Залужны нібыта быў цяжка паранены ў пачатку мая ў Херсонскай вобласці і яму правялі аперацыю па трэпанацыі чэрапа, паведаміла сёння расійскае агенцтва «РИА Новости».
«Галоўнакамандуючы Узброеных сіл Украіны Валерый Залужны атрымаў закрытую чэрапна-мазгавую траўму і шматлікія асколачныя раненні ў выніку ракетнага ўдару па камандным пункце ў раёне сяла Пасад-Пакроўскае ў Херсонскай вобласці ў пачатку мая», — сцвярджала агенцтва са спасылкай на ананімнага прадстаўніка расійскіх сілавых структур.
Цяпер чытаюць
Бліжэйшым часам будуць вызвалены больш за 150 палітзняволеных34
Каментары