«Гэта маральны аўтарытэт». Мілінкевіч расказаў, хто павінен быць прэзідэнтам краіны ў пераходны перыяд. І назваў імя
На думку Аляксандра Мілінкевіча, гэты чалавек — Алесь Бяляцкі.
«Калі б заўтра выбары прэзідэнта, то я б марыў, каб Алесь быў прэзідэнтам краіны, — сказаў экс-кандыдат у прэзідэнты Аляксандр Мілінкевіч на сустрэчы з жонкай палітзняволенага праваабаронцы, піша «Позірк».
Паводле ягоных слоў, «будзе пераходны этап: будзем [адыходзіць] ад сталінізмаў, камунізмаў, дыктатуры, мы будзем ісці да святла».
«І ў гэтым момант страшэнна важны не эканаміст, не генерал такі моцны, а каб прэзідэнтам быў маральны аўтарытэт. Алесь — маральны аўтарытэт. І нават скажа нешта непапулярнае, а яго паслухаюць», — дадаў Мілінкевіч.
Экс-кандыдат у прэзідэнты адзначыў, што беларусы маюць усё для пераходу да дэмакратыі: адукацыю, працавітасць, законапаслухмянасць, інфраструктуру.
«Беларусам можа не хапае трохі аптымізму і веры, — мяркуе ён. — Мы павінны цаніць і верыць, што мы 100% пераможам».
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў46
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары