Польскія ўлады расказалі, у чым абвінавачваюць расійскую шпіёнскую сетку, у якой фігуруюць і беларусы
Міністр унутраных спраў Польшчы заявіў, што ўсяго былі арыштаваныя 9 чалавек.
Міністэрства ўнутраных спраў Польшчы раскрыла новыя падрабязнасці нядаўняга раскрыцця расійскай шпіёнскай сеткі ў краіне. Інфармацыя пра гэта была апублікаваная 16 сакавіка на афіцыйным сайце ведамства.
Кіраўнік польскага МУС Марыюш Каміньскі заявіў, што ўсяго было затрымана 9 «замежнікаў з-за ўсходняй мяжы», якія вялі разведвальную дзейнасць і рыхтавалі дыверсіі ў Польшчы.
«Затрыманыя — замежнікі з-за ўсходняй мяжы. Шэсць з іх былі змешчаныя пад варту да суда. Пракуратура выставіла ім абвінавачанне ў шпіянажы на карысць Расіі і ўдзеле ў арганізаванай злачыннай групоўцы. У дачыненні да яшчэ траіх, затрыманых учора, працягваюць весціся следчыя мерапрыемствы», — распавёў Каміньскі.
Паводле яго слоў, галоўнай мэтай шпіёнаў быў сабатаж дапамогі Украіне ўзбраеннямі, а таксама прапаганда антызаходніх настрояў у Польшчы.
Таксама, па інфармацыі польскага Агенцтва ўнутранай бяспекі, затрыманыя за сваю дзейнасць рэгулярна атрымлівалі ўзнагароджанне ад расійскіх спецслужбаў.
Нагадаем, што яшчэ ўчора з'явілася інфармацыя аб ліквідацыі расійскай шпіёнскай сеткі ў Польшчы. Тады паведамлялася, што дыверсанты займаліся сачэннем за чыгуначнымі пуцямі ў Падкарпацкім ваяводстве — у прыватнасці, каля аэрапорта Ясёнцы непадалёк ад Рашава (Жэшуў), дзе знаходзіцца важны пункт паставак заходняй зброі ва Украіну.
У польскіх СМІ і ведамствах афіцыйна яшчэ не з'яўлялася інфармацыя пра асобы затрыманых, бо гэта забаронена польскімі законамі. Аднак пралукашэнкаўскія тэлеграм-каналы ўжо назвалі імёны трох арыштаваных беларусаў.
Вось яны:
- Мікалай Маскаленка, 1971 г. н.
- Уладзіслаў Пасміцюха, 1994 г. н.
- Марыя Мядзведзева, 2004 г. н.
На цяперашні момант афіцыйнай інфармацыі з польскага боку пра гэтых людзей няма.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары
Дык а де дэмакратыя?? Пад такую прапаганду можна любога падвести