Грамадства1010

«Будзьце гатовы, што вы пацерпіце фізічна». Як у Вілейцы міліцыя адахвочвае ад сходак «ПВК Родан»

Пасля таго, як субкультура дайшла да беларускіх гарадоў, міліцыя пачала праводзіць прафілактычныя лекцыі сярод падлеткаў. Аўдыязапіс з лекцыі ў Вілейскім каледжы трапіў у сеціва.

Андрэй Сялюн са школьнікамі. Фота: «Укантакце»

Сустрэча, дзе расказвалася пра небяспеку «ПВК Родан» і масавых сходак, адбылася сёння, 2 сакавіка. Мяркуючы па імю і імю па бацьку, якія гучаць у запісе, прамаўляе старшы ўчастковы інспектар упраўлення па справах непаўналетніх Вілейскага РАУС маёр Андрэй Сялюн. Тое, што голас вельмі падобны да голаса Селюна, пацвярджае і чалавек, які асабіста ведаў яго.

Пераказваем прамову да моладзі:

«Я спадзяюся, што мяне пачуеце і не патрапіце ў непрыемныя падзеі. Вы ведаеце пра новую субкультуру, «ПВК Рэдан», «Родан», «Рэдун».

Задуму вы ведаеце: ладзіць масавыя беспарадкі і бойкі з тымі, хто вам не спадабаўся, а можа, і не вам. Атрыбутыку таксама ведаеце: чорнае адзенне і павучкі.

Памятаеце, у Гомелі затрымалі каля 200 непаўналетніх. Пабіцца яны не паспелі, здаецца, бо на месцы іх пільнавала міліцыя. Таму не падпісваецеся, не далучайцеся і тым больш не хадзіце ані на якія зборы. А ў выпадку ўдзелу вы патрапіце на ўлік у інспекцыю па справах непаўналетніх.

Але вось, што самае важнае. Падзеі 2020 года ўсе ведаеце, гэта масавыя мерапрыемствы — калі збіраецца ад двух чалавек і болей. А калі вас шмат, то каб вас разагнаць або прадухіліць вашы супрацьпраўныя дзеянні, будзе сіла супрацьдзеяння як мінімум роўная, або большая за вашу колькасць.

Андрэй Селюн. Фота: vileyka.gov.by

Калі вы згадаеце 2020 год, то калі адмыслова навучаныя людзі гэта ўсё разганяюць, затрымліваюць або некуды дастаўляюць, то ніхто не пытаецца «Васечка, а табе дзесяць год, а табе, Пеценька, пятнаццаць, ці можна цябе пагладзіць па адным месцы?» і не кажа «дазвольце вас ударыць гумовай палкай па спіне або нагах». На ўзрост глядзець ніхто не будзе.

Бываюць у жыцці выпадковасці, але тут выпадковасцей быць не можа. Вы загадзя, за дзень, за гадзіну, вырашаеце, што ідзяце ў тое месца збору абсалютна мэтанакіравана. Гэта як дыскатэка ў ДК: вы ведаеце, што за дзень трэба купіць шэсць паўтарачак піва і сустрэцца ва ўстаноўленым месцы, каб знішчыць іх ва ўстаноўленым законам парадку.

Ніхто не будзе разбірацца і слухаць вас не будзе, чаму вы прыйшлі на такое мерапрыемства. Таму, калі вы патрапілі ў такую сітуацыю, то вы мусіце быць гатовыя, што вы пацерпіце фізічна.

Пайсці папіць піва і патрапіць на ўлік — гэта адно. Пайсці ў гэтую мясарубку, масавае мерапрыемства — гэта зусім іншае. Можа быць ад уліку ў міліцыі і цялесных пашкоджанняў да летальнага зыходу. Пацярпець можна як ад тых, хто б'ецца, гэтак і ад тых, хто будзе вучыць вас парадку.

Галоўная задача — давесці гэта да навучэнцаў усіх школ. Учора мы аб'ехалі чатыры гандлёвыя цэнтры і папярэдзілі ахову і персанал пра гэтыя рэчы.

Таму не варта надзяваць павучкоў і кудысьці хадзіць. Адрэагуюць у любым выпадку, а вы будзеце выглядаць па-дурному і тлумачыць, навошта вы туды пайшлі».

«Андрэй быў нейкі круты легкаатлет, а пасля пайшоў у міліцыю і колькі яго памятаю працуе ў «дзіцячай комнаце міліцыі». Ён не найгоршы з нашых міліцыянтаў, — кажа пра Селюна ягоны зямляк. — Што праўда, хадзіў ён як ціхар на акцыі і на суды таксама. Але вялікіх па сёняшніх мерках грахоў за ім няма».

«Наша Нiва» — бастыён беларушчыны

ПАДТРЫМАЦЬ

Чытайце яшчэ:

«Усе лаўкі занятыя падлеткамі». Як моладзь спрабавала сабрацца ў цэнтры Магілёва на заклік «ПВК Родан»

Падчас спробы правядзення сходкі «ПВК Родан» у Магілёве затрымалі мясцовага журналіста

На сустрэчах «ПВК Родан» у Мінску затрымалі каля 80 чалавек

Каментары10

  • ром
    02.03.2023
    все у стоила
  • даведка
    03.03.2023
    Знает майор-легкоатлет, что если соберутся несколько десятком подростков, то милиции мало не покажется... 
  • Жыве
    03.03.2023
    А потом лукамилиция обижаеться ,что ее не уважают,когда сами ведут себя не как представители закона,а как представители ОПГ.
    Опыт других цивилизованных стран в правовом регулировании общества лукамилиция изучала или только из 90-ых опыт есть ?

Цяпер чытаюць

«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10

«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў

Усе навіны →
Усе навіны

Інтэрв’ю са 100-гадовым доктарам Анатолем Занковічам — пра жыццё падчас Другой сусветнай і працу хірургам у ЗША5

Трамп забараніў уезд у ЗША грамадзянам 12 краін

Памёр Аляксандр Класкоўскі-малодшы7

У мінскіх крамах заўважылі мяса ў правакацыйных упакоўках і без маркіровак. Адкуль?1

Праціўнікі Ціханоўскай збіраюцца на круглы стол, каб вырашыць, як жыць далей44

На працоўным стале ў Пуціна стаіць камп'ютар з аперацыйнай сістэмай, якая ўжо шмат год не абнаўляецца14

Ціханоўская: Яны не хочуць перамоў, яны хочуць, каб мы добраахвотна пайшлі ў турмы8

Трамп неанансавана перагаварыў з Пуціным: Пуцін сказаў, і вельмі рашуча, што яму давядзецца адказаць на атаку па аэрадромах22

Новак Джокавіч зрабіў чарговую пародыю на Сабаленка. Тая падыграла3

больш чытаных навін
больш лайканых навін

«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў10

«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў

Галоўнае
Усе навіны →

Заўвага:

 

 

 

 

Закрыць Паведаміць