Літоўская мытня ўзмацняе кантроль: з Беларусі масава вязуць украінскія грыўні
Па даных мытнай службы Літвы, трэці месяц назіраецца тэндэнцыя, калі ў краіну пастаянна вязуць вялікія сумы ва ўкраінскіх грыўнях. Грошы, як правіла, перавозяцца не грамадзянамі Украіны, часта групамі асоб, якія, магчыма, раздаюць грыўні пры ўездзе, каб не перавысіць суму, якая не патрабуе дэкларавання, піша Delfi.
У мытнікаў маюцца падазрэнні, што такім чынам грошы, захопленыя падчас вайны ва Украіне, могуць паспрабаваць рэалізаваць нелегальна. Менавіта таму літоўскія мытнікі ў мінулым годзе ўзмацнілі кантроль за абаротам наяўных сродкаў на мяжы з Беларуссю: у выпадку сумневаў у законнасці іх правозу грыўні затрымліваюць для высвятлення паходжання. У асобных выпадках па падазрэнні ў кантрабандзе таксама праводзяцца дасудовыя расследаванні.
За два з паловай месяцы мытнікі такім чынам затрымалі ўжо каля 44 мільёнаў грыўняў (каля 1,1 млн еўра).
У прыватнасці, 13 студзеня на адным з літоўскіх КПП мытнікі праверылі аўтобус, які заехаў з Беларусі, і канфіскавалі ў 18 чалавек 5,13 млн грыўняў.
Амаль усе пасажыры, якія перавозілі грошы, былі грамадзянамі Беларусі, якія, мяркуючы па ўсім, не мелі ніякага дачынення да Украіны і давалі розныя тлумачэнні, адкуль у іх грыўні.
-
Прыбытак Volkswagen упаў на 44%. Канцэрн скароціць 50 тысяч працоўных месцаў у Германіі
-
У Польшчы паведамілі пра затрыманне беларускага «злодзея ў законе». Вось толькі незразумела, што з ім рабіць далей
-
Украіна прапаноўвала ЗША тэхналогіі процідзеяння іранскім беспілотнікам. Тыя не зацікавіліся, цяпер лічаць гэта «найбольшым промахам»
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку6
Каментары