Усяго патроху3636

«Беларускія песняры» спявалі на «Блакітным агеньчыку» з віншаваннямі Кісялёва ды Салаўёва і жартамі Петрасяна пра Украіну

«Няправільных» артыстаў замянілі вайскоўцамі, а рэпертуар склалі пераважна савецкія хіты. 

Пасля пачатку вайны з расійскага тэлебачання зніклі забаўляльныя перадачы. Але ў лістападзе прапаганда паабяцала гледачам стварыць на святы «навагодні настрой, нягледзячы на ўсе змены ў Расіі і свеце».

У навагоднюю ноч на канале «Расія 1» паказалі «Блакітны агеньчык» з традыцыйным чаргаваннем выступаў і святочных віншаванняў гасцей. Але без змен не абышлося: артыстаў, якія выступілі супраць вайны, замянілі ў зале на вайскоўцаў. Яны віншавалі гледачоў у кампаніі з ваенкарамі і прапагандыстамі кшталту Уладзіміра Салаўёва і Дзмітрыя Кісялёва. 

Спевакоў і акцёраў, якія падтрымліваюць расійскую агрэсію, аказалася няшмат, таму некаторым давялося спяваць па дзве песні.

Не абышлося без «гумару». 77-гадовы Яўген Петрасян расказаў барадатыя анекдоты пра ўкраінцаў і пра стаўленне да расіян за мяжой.

Скончыў жа свой выступ гумарыст вершам: «Если ты поел, помылся, дома у тебя тепло, значит, русским ты родился — со страною повезло».

Але гэта быў не самы крындж. Каб стварыць савецкую атмасферу, «як было раней», на «агеньчык» запрасілі «замежных» артыстаў. Таісія Павалій, якая даўно жыве ў Расіі і выступала пасля пачатку вайны на Краснай плошчы, праспявала «Чэрвону руту».

Госці дэманстравалі штучную весялосць і спрабавалі падпяваць песні, напісанай кампазітарам Уладзімірам Івасюком, якога ў 1979 годзе забіў КДБ.

Пасля ў навагоднюю ноч для расіян выступілі «Беларускія песняры» з песняй «Белавежская пушча». Гурт, пра які апошнія гады мала што чуваць, дазволіў сябе выкарыстаць у прапагандысцкім канцэрце.

Гурт «Беларускія песняры» створаны ў 1998 годзе. Разам з дзяржаўным ансамблем «Песняры» з'яўляецца афіцыйным пераемнікам мулявінскага ВІА. Салісты — Валер Дайнека і Ігар Пеня.

Гэтым беларускае прадстаўніцтва не абмежавалася. Наталля Падольская, якая вясной выступала на канцэрце ў падтрымку вайны і анексіі Крыма, спявала разам са сваім мужам Уладзімірам Прасняковым.

Падчас трансляцыі «Блакітнага агеньчыка», які мусіў стварыць «святочную атмасферу», Расія чарговы раз атакавала іранскімі дронамі ўкраінскія гарады.

Каментары36

  • Kotya
    02.01.2023
    [Рэд. выдалена]
  • о боже
    02.01.2023
    вот оно все и всплыло...
  • руканів
    02.01.2023
    а другі старац у роліку з педрасянам - гэта вінакур?

Цяпер чытаюць

Беларускі IT-мільярдэр Гурскі: Маю першую жонку забіў гемблер1

Беларускі IT-мільярдэр Гурскі: Маю першую жонку забіў гемблер

Усе навіны →
Усе навіны

«Адчуў сябе калабком». 22-гадовы беларус збег з войска, пажыў на некалькіх кантынентах, але цяпер яму трэба грошы15

«Да нашай машыны ішла хутчэй за міліцыянтаў». Як у Мядзельскім раёне шукалі зніклую 74-гадовую жанчыну2

Навукоўцы высветлілі, якія прадукты ў рацыёне жанчын сярэдніх гадоў павышаюць шанцы на здаровае старэнне

Пяць гадоў таму ў Гродне затрымалі Сяргея Ціханоўскага6

«Мой тэрмін паўнамоцтваў падыходзіць да канца». Ілан Маск пакідае адміністрацыю Трампа4

У беларускіх радзільнях бяруць у закладнікі немаўлят, якіх нарадзілі мігранткі, каб спагнаць з бацькоў грошы? Разбіраемся13

Мядзведзеў расказаў, колькі расіян падпісалі вайсковыя кантракты, і моцна разышоўся з Пуціным1

У Францыі дзіцячы хірург гвалціў пацыентаў, калі яны былі пад наркозам5

Сілавікі прыйшлі ў «Вячэрні Бабруйск», «Бабруйск Інфо» і «Вольнае Глыбокае»8

больш чытаных навін
больш лайканых навін

Беларускі IT-мільярдэр Гурскі: Маю першую жонку забіў гемблер1

Беларускі IT-мільярдэр Гурскі: Маю першую жонку забіў гемблер

Галоўнае
Усе навіны →

Заўвага:

 

 

 

 

Закрыць Паведаміць