Кіраўнік украінскай разведкі не чакае змены сітуацыі на фронце найбліжэйшым часам
Начальнік галоўнага ўпраўлення разведкі Мінабароны Украіны Кірыл Буданаў лічыць, што расійскія вайскоўцы не змогуць зараз нарасціць наступ на ўкраінскія пазіцыі.
«Карэннай змены сітуацыі ў хуткім часе не чакаецца. Для гэтага ёсць шэраг аб'ектыўных прычын. Расія знаходзіцца цяпер у тупіку, і адзінае месца, дзе яна яшчэ «спрабуе спрабаваць» наступаць — гэта Бахмут», — сказаў ён у інтэрв'ю выданню LIGA.net.
«Асаблівых поспехаў на гэтым кірунку не маюць. Са жніўня [расіяне] пастаянна кажуць, што Бахмут амаль захоплены. Як бачыце, ужо канец снежня», — дадаў ён.
«Таму карэннай змены сітуацыі з боку Расійскай Федэрацыі цяпер мы не чакаем. Каментаваць нашых дзеянняў я не буду», — папярэдзіў Буданаў.
У гэтым жа інтэрв'ю начальнік украінскай вайсковай разведкі заявіў, што «Крым будзе вернуты камбінаваным шляхам: і сілай, і дыпламатыяй».
«Нашы падраздзяленні зойдуць туды са зброяй у руках», — сказаў ён.
Цяпер чытаюць
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе9
Каментары