У Рэспубліканскім саюзе прамыслоўцаў і прадпрымальнікаў у сераду прайшла сустрэча з намеснікам міністра антыманапольнага рэгулявання і гандлю Андрэем Картуном. Падчас сустрэчы чыноўнік сказаў, што цяпер разглядаецца істотнае скарачэнне таварных пазіцый, цэны на якія рэгулююцца.
«Галоўная тэма размовы — праблемы цэнаўтварэння і практыка прымянення пастановы Савета Міністраў № 713. Па словах Картуна, многія прапановы РСПП улічаныя ў праекце змяненняў у пастанову № 713. Таксама ён паведаміў, што разглядаецца істотнае скарачэнне пераліку рэгуляваных пазіцый, а на шэраг тавараў — павелічэнне гранічнага памеру надбавак», — паведамілі ў РСПП па выніках сустрэчы.
У першым варыянце пастанова № 713 была падпісаная 19 кастрычніка. Яна абмежавала цэнавыя надбаўкі на 730 тавараў. Але неўзабаве пералік змянілі, прыбраўшы, напрыклад, прадметы раскошы і кветкі. Калі менавіта прымуць новую рэдакцыю дакумента, пакуль невядома.
Цяпер чытаюць
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!43
Каментары