У базе «Куфар нерухомасць» больш за 5400 кватэр па ўсёй Беларусі, якія можна зняць на працяглы тэрмін. І прыкладна столькі ж, якія здаюцца на суткі. «Куфар нерухомасць» прааналізаваў, што адбываецца на гэтым рынку.
Цэны на доўгатэрміновую арэнду апошнія паўгода раслі. Але не для ўсіх сегментаў гэты рост быў раўнамерным, а галоўнае — ён быў больш павольны, чым інфляцыя.
Напрыклад, за «аднапакаёўку» цяпер у сярэднім давядзецца плаціць 384 рублі ў месяц — і гэта на 6,2% больш, чым у маі.
4-пакаёвыя кватэры выраслі на 3,3%, а 3-пакаёвыя — на 5%. Пры гэтым цэны доўгатэрміновай арэнды вялікіх кватэр, дасягнуўшы піку ў жніўні-верасні, зараз плаўна зніжаюцца.
Самы дарагі кошт доўгатэрміновай арэнды, прадказальна, у Мінску і Мінскай вобласці. А вось высокія цэны на здымнае жыллё ў Віцебскай вобласці здзівяць. Бо калі вы хочаце купіць жыллё, то Віцебшчына, наадварот, самы «танны» рэгіён.
Сёлета на беларускім рынку пасуткавай арэнды кватэр назіраўся рост пасля двух гадоў стагнацыі — адбіліся адмена пандэмійных абмежаванняў, падаражэнне адпачынку ў Егіпце і Турцыі, увядзенне бязвізавага рэжыму для грамадзян Літвы, Латвіі і Польшчы, а таксама палітычныя падзеі ў суседніх краінах.
Кошт пасутачнай арэнды кватэр не так залежыць ад колькасці пакояў, як ад іншых фактараў — размяшчэння і якасці рамонту. Гэта варта ўлічыць, калі вы збіраецеся здаваць жыллё на кароткі тэрмін.
З мая кошт арэнды кватэры за суткі ў сярэднім вырас на 7%. І працягвае падымацца, нягледзячы на тое, што турыстычны сезон ужо завершаны.
Даражэй за ўсё арандаваць кватэру на суткі ў Мінску. Далей ідзе Мінская вобласць, цэны ў якой трымае блізкасць сталіцы.
Следам прадказальна размясціліся два галоўныя турыстычныя рэгіёны Беларусі — Гродзенская і Брэсцкая вобласці.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў54
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1818
Каментары