Беларускія санаторыі зарабілі на расіянах у 1,7 раза больш, чым летась
Выручка беларускіх санаторыяў ад экспарту паслуг за 9 месяцаў 2022 года вырасла на 72%. Пры гэтым колькасць іншаземцаў, якія аздаравіліся ў Беларусі, вырасла на 44%. Пра гэта паведаміў 31 кастрычніка дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Балбатоўскі, піша Office Life.
У абсалютных лічбах экспартная выручка перавысіла 186 млн рублёў, у беларускіх санаторыях за 9 месяцаў адпачылі больш за 142 тыс. іншаземцаў, сказаў Генадзь Балбатоўскі на прэс-канферэнцыі ў Мінску.
Пры гэтым раней ён паведамляў, што 95% іншаземцаў у нашых санаторыях складаюць расейцы.
Цікава, што ў першым паўгоддзі беларускія санаторыі прынялі 72 тысячы іншаземцаў, і амаль такая ж колькасць грамадзян іншых дзяржаў аздаравіліся ў іх у трэцім квартале.
Балбатоўскі закрануў і тэму цэнаў у беларускіх санаторыях: яны, па яго словах, застануцца нязменнымі, а пуцёўкі прадаюцца па тым жа кошце, які быў да ўвядзення мараторыя на рост цэн.
Запаўняльнасць беларускіх санаторыяў захоўваецца на ўзроўні 2019 года. На найбліжэйшы месяц забраніравана больш за 80% месцаў, і нават на студзень ужо 35%.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях12
Каментары