Прадстаўленне новага генеральнага дырэктара кіруючай кампаніі холдынгу адбылося сёння на фабрыцы «Марка». Мікалай Мартынаў перадаў права заняць гэтую пасаду свайму сыну Паўлу, паведамляе Officelife.media.
Былы гендырэктар не цалкам адыходзіць ад справаў, а працягне ўдзельнічаць у кіраванні кампаніяй на пасадзе намесніка па бізнэс-аналізу.
У 1994 годзе Мікалай Мартынаў зрабіў смелы для таго часу крок, заснаваўшы вытворчую кампанію. Прычым у сферы, дзе ўжо дамінаваў «Белвест», на якім Мартынаў атрымаў асновы вядзення бізнэсу.
У 2000-х кампанія значна пашырыла свае актывы: далучаныя фабрыка «Чырвоны Кастрычнік», Віцебскі футравы камбінат і тое, што засталося ад збанкрутавалай фабрыкі «Белкельме» ў Белаазёрску (цяпер — «Вердзімар»). Таксама на прадпрыемстве «Вітма» шыюць сумкі і скургалантарэю.
У 2013 годзе ўсе актывы былі аб'яднаны ў холдынг Беларуская гарбарна-абутковая кампанія «Марка», які стаў адным з самых буйных вытворцаў абутку сярод краін СНД. Нядаўна да беларускіх магутнасцях дадалася доля ў сумесным прадпрыемстве ва Узбекістане.
Тым не менш спадчынніку такога капіталу будзе няпроста спраўляцца з выклікамі новага часу. Павел Мартынаў зараз ненашмат старэйшы, чым быў яго бацька падчас адкрыцця бізнэсу ў 1990-х.
Кар'ерны рост Паўла ў абутковай імперыі бацькі пачынаўся з пасады супрацоўніка камерцыйнага аддзела прадпрыемства «Эвімар» (далучана да СТАА «Марка»). Цяпер ён пакінуў пасаду дырэктара прадпрыемства «Сан Марка» і стаў ля руля ўсяго холдынгу.
У адным з інтэрв'ю Мікалай Мартынаў прызнаўся, што апынуўся закладнікам свайго поспеху:
«Па сутнасці, не належу сабе, ёсць мноства абавязацельстваў, вялізарны працоўны калектыў. Тым не менш я ўсё-такі лічу, што не мы самі вызначаем свой шлях… Калі Бог даў мне магчымасць займаць кіруючую пасаду, то я павінен годна несці сваю ношу», — казаў ён.
Цяпер чытаюць
У Кіеве за шпіянаж арыштавалі беларускую журналістку Іну Кардаш. Кажуць, з 2015 года яна працавала на КДБ3
Каментары