«Няхай санкцый баіцца той, хто іх прыдумляе». Што вядома пра новага міністра прамысловасці?
Міністэрства прамысловасці ўзначаліў выхадзец з ВПК Аляксандр Рагожнік, які з 2018 года кіраваў Мінскім маторным заводам.
Пасада міністра прамысловасці заставалася вакантнай амаль два месяцы. Ранейшага кіраўніка ведамства Пятра Пархомчыка 16 жніўня прызначылі намеснікам прэм'ер-міністра.
Як вядома «Нашай Ніве», Рагожніку даваў рэкамендацыю Пархомчык, які да пасады ва ўрадзе таксама працаваў у машынабудаванні.
Аляксандру Рагожніку 46 год, ён родам з Гомеля. Скончыў тамтэйшы ўніверсітэт імя Скарыны па спецыяльнасці «Бухгалтарскі ўлік, кантроль і аналіз гаспадарчай дзейнасці».
Служыў ва ўнутраных войсках.
Працоўную кар’еру пачаў з інспектара аддзела мытнага пункта «Гомель-Пасажырскі». Быў супрацоўнікам адміністрацыі свабоднай зоны «Гомель-Ратон». Рабіў у Міністэрстве энергетыкі дарадцам эканамічнага ўпраўлення.
З 2003-га па 2006-ы кіраваў прыватнымі гандлёвымі прадпрыемствамі, а потым вярнуўся ў Міністэрства энергетыкі.
Два гады Рагожнік прабыў на чыноўніцкай пасадзе — узначальваў упраўленне эканомікі адміністрацыі Ленінскага раёна Мінска.
Далей яму даручылі кіраваць «Канструктарскім бюро дакладнага электроннага машынабудавання — Інжынерна-тэхнічным цэнтрам».
Гэтае прыватнае прадпрыемства вырабляе спецыяльнае тэхналагічнае абсталяванне для мікраэлектронікі і медыцыны. Яго прадукцыя выкарыстоўваецца ў вайскова-прамысловым комплексе.
Па сканчэнні ў 2011 годзе Акадэміі пры прэзідэнце менеджарская кар’ера Рагожніка пайшла ўгару.
Яго прызначалі дырэктарам адкрытага акцыянернага таварыства «Оптаэлектронныя сістэмы», якое таксама звязанае з вырабам прадукцыі абароннага прызначэння.
На ім вырабляецца прадукцыя для далейшага выкарыстання ў электроннай тэхніцы, у нана— і біятэхналогіях, у кантрольных аперацыях тэхналагічных працэсаў.
Кіраваць Мінскім маторным заводам Рагожніка паставілі ў 2018 годзе.
«Калектыў ММЗ упэўнена ідзе па шляху інавацыйнага развіцця, мы выпускаем экспартна арыентаваную прадукцыю, пастаянна пашыраем лінейку рухавікоў і асартымент вырабаў», — хваліўся ён.
Летась яму падзякаваў Лукашэнка «за шматгадовую плённую працу, высокі прафесіяналізм, значны ўнёсак у развіццё прамысловага комплексу».
Напярэдадні поўнамаштабнага ўварвання Расіі ва Украіну, гаворачы пра санкцыі, Рагожнік заяўляў: «Няхай санкцый баіцца той, хто іх прыдумляе».
На яго думку, санкцыйныя абмежаванні можна перажыць, кааперуючыся з расійскімі і кітайскімі прадпрыемствамі.
Лукашэнка чакае ад новага міністра, што пры ім прадпрыемствы будуць актыўна нарошчваць імпартазамяшчэнне і апярэджваць канкурэнтаў на рынку.
Тыя, хто знаёмы з Рагожнікам, адзначаюць, што ён аматар строгіх гарнітураў.
Цяпер чытаюць
62-гадовую намесніцу дырэктара мінскай гімназіі адправілі ў калонію за палітыку3
62-гадовую намесніцу дырэктара мінскай гімназіі адправілі ў калонію за палітыку
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4747
Каментары