Каардынатар Рады нацыянальнай бяспекі ЗША Джон Кірбі заявіў, што ў найбліжэйшыя дні варта чакаць яшчэ аднаго абвяшчэння пра ваенную дапамогу Украіне, піша CNN.
«Мы (…) выдзелілі больш за 13 мільярдаў даляраў дапамогі на забеспячэнне бяспекі Украінскіх узброеных сілаў, і мы будзем працягваць гэта рабіць. І ў найбліжэйшыя дні будзе абвешчана пра будучую дапамогу ў сферы бяспекі», — сказаў ён журналістам.
У мінулую сераду прэзідэнт ЗША Джо Байдэн абвясціў аб наданні Украіне вайсковай дапамогі сумай 2,98 млрд даляраў.
Па словах Кірбі, з пачатку ўварвання Расіі ва Украіну ЗША далі Украіне ваенную дапамогу на суму каля 13 мільярдаў даляраў. З пачатку вайны ЗША далі 7 млрд даляраў у выглядзе грантаў для прамой бюджэтнай падтрымкі і больш за 1,5 млрд даляраў гуманітарнай дапамогі для Украіны і ўкраінскіх уцекачоў.
Цяпер чытаюць
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары