Даследаванне: мужчыны выглядаюць больш прывабнымі, калі выводзяць гуляць маленькага сабачку
Калі размова ідзе пра мужчынскую прывабнасць, памер насамрэч мае значэнне. Праўда, гэта працуе зусім не так, як вы думаеце.
Навукоўцы з Хаэнскага ўніверсітэта ў Іспаніі папрасілі 300 жанчын распавесці пра свае ўражанні ад некалькіх фота мужчыны і жанчыны (нанятых акцёраў). На некаторых здымках яны знаходзіліся ў адзіноце, а на іншых — разам з маленькім сабакам ці сабакам сярэдняга памеру, піша The Telegraph.
Пры гэтым усе сабакі на фота былі дарослымі, а не шчанюкамі. Здымкі з вялікімі сабакамі ў даследаванне не ўключалі, бо ранейшыя працы паказалі, што такія сабакі пужаюць людзей.
Удзельніц эксперымента папрасілі ўявіць, што яны ідуць па вуліцы ў адзіноце і раптам сустракаюць чалавека з фота. Як бы яны адрэагавалі на яго?
Фоты, дзе акцёраў суправаджалі сабакі, выклікалі больш станоўчую рэакцыю, чым фоты без сабак. Прагляд такіх здымкаў дапамагаў жанчынам адчуць сябе ў лепшым настроі і большай бяспецы, больш спакойнымі і кантралюючымі сітуацыю. Чым менш быў сабака на фота, тым лепшай была рэакцыя жанчыны.
Акцёру на фота, якое выкарысталі ў даследаванні, 39 гадоў, яго рост — 162 см, а вага — 63 кг. Але вучоныя лічаць, што сабака зможа зрабіць больш прывабным любога мужчыну па-за залежнасцю ад таго, колькі ён важыць і як выглядае.
І яшчэ: эфект ад сабакі быў большым, калі навакольнае асяроддзе было больш непрыемным, то-бок мужчына ці жанчына з сабакам на гарадскіх вуліцах успрымаецца лепей, чым недзе на прыродзе.
Сабака штоночы прыходзіў да немаўляці для таго каб упэўніцца, што з ім усё добра. Гэтае ВІДЭА стала вірусным
Даследаванне: сабакі насамрэч могуць разумець чалавечую дабрыню
Кланаванне любімых коцікаў і сабачак пасля іх смерці робіцца масавай з'явай у ЗША
Цяпер чытаюць
Былы палкоўнік ГРУ Папоў стварыў фірму ў Польшчы і цёрся каля апазіцыі. Але падазрэнні выклікае не толькі ён1
Каментары