Міністр абароны РФ Сяргей Шайгу паведаміў сёння Уладзіміру Пуціну аб поўным кантролі над Лісічанскам і «вызваленні» тэрыторыі самаабвешчанай «ЛНР». «Спецыяльная ваенная аперацыя» працягваецца, заявіў Шайгу.
Пуцін у адказ сказаў, што генералы Лапін і Суравікін ужо прадставілі яму прапановы па працягу аперацыі ва Украіне. Такім чынам, ён пацвердзіў высновы Інстытута вывучэння вайны, які паведаміў, што «адказнасць за тактычныя дзеянні ў раёне Лісічанска» нясуць адразу два высокапастаўленыя военачальнікі. З гэтага эксперты зрабілі выснову, што Пуцін надае вялікае значэнне ўзяццю Лісічанска і выхаду расійскай арміі да адміністрацыйных межаў Луганскай вобласці.
Акрамя таго, на сустрэчы з Шайгу Пуцін заявіў, што «падраздзяленні, якія бралі ўдзел у вызваленні ЛНР, павінны адпачыць, нарасціць свае баявыя магчымасці», а воінскія злучэнні, уключаючы групоўкі «Усход» і «Захад», «павінны выконваць свае задачы па раней зацверджаным плане».
Ён таксама ўзнагародзіў званнем «Герой Расіі» камандуючага групоўкай «Цэнтр», генерала-палкоўніка Аляксандра Лапіна і намесніка камандуючага 8-й арміяй Паўднёвай вайсковай акругі генерала-маёра Эседулу Абачова.
Бліжэйшым часам будуць вызвалены больш за 150 палітзняволеных39
Каментары