Кватэра Андрэя і Вольгі Павукоў у райцэнтры Акцябрскі на Гомельшчыне практычна разбураная: зламаная мэбля, тэхніка, у міжпакаёвых дзвярах вялікая дзірка. Відэа стану кватэры пасля ператрусу апублікавалі ў тэлеграм-канале беларускіх сілавікоў. Яно суправаджаецца вясёлай музыкай.
Кватэра Павукоў да ператрусу:
А гэта — стан пасля:
Ператрус, а больш дакладна свядомы разгром, быў праведзены учора, 26 мая. Таксама прыходзілі да бацькоў блогера, які цяпер знаходзіцца за мяжой.
Гэта зусім не першы раз, калі сілавікі рэжыму Лукашэнкі прымяняюць такія метады змагання са сваімі апанентамі, да якіх не могуць непасрэдна дацягнуцца. Раней ГУБАЗіК хваліўся тым, як разграміў пустую кватэру Яніны Сазановіч — рэдактаркі «Карателей Беларуси» и ютуб-канала «Дзікае паляванне», а таксама грамадскага дзеяча Вадзіма Пракоп'ева.
Каментары