«Учарашнія незразумелыя паводзіны ў Кіеве прэзідэнта Дуды». Лукашэнка на сустрэчы з Пуціным абслугоўваў расійскую прапаганду па поўнай
Аляксандр Лукашэнка і Уладзімір Пуцін пачалі перамовы ў Сочы. У заяве для прэсы кіраўнік Беларусі паўтарыў асноўныя ўстаноўкі расійскай прапаганды апошняга тыдня: Польшча рыхтуецца далучыць Заходнюю Украіну, а эканоміка Расіі нечакана добра дае рады санкцыям.
«Ёсць цікавыя нейкія рэчы нечакана ва Украіне. Вы гэта выдатна ведаеце. Нас, ды і вас гэта павінна турбаваць, што яны (палітыкі) ужо робяць крокі да таго, каб раздзяліць Украіну», — заявіў Лукашэнка.
І, як я казаў, яшчэ ўкраінцам давядзецца нас прасіць, каб мы не дапусцілі адрыву гэтай заходняй часткі і іншых частак ад Украіны. Гэта мая такая пазіцыя, але вы гэта дакладна ведаеце», — сказаў Аляксандр Лукашэнка.
Аляксандр Лукашэнка не першы раз за апошнія месяцы груба абслугоўвае прапагандысцкія запыты Расіі. Раней аб'ектам кпінаў у Беларусі і Украіне стала яго заява ў Крамлі «а я вам пакажу, адкуль на Беларусь рыхтаваўся напад, чатыры пазіцыі».
Уладзімір Пуцін падчас гэтай заявы торгаў нагамі і рукамі, што характэрна для ягоных паводзін у апошні час.
«Вельмі важна (вы неяк гэта адзначалі), што эканоміка ў Расіі і наогул у нас у саюзе не проста ўмацоўваецца, а нечакана інтэнсіўна ўмацоўваецца. Вазьміце інфляцыю, вазьміце беспрацоўе. Яно аказалася меншым. Падае ўзровень беспрацоўя. Гэта добра. Ну, і рубель умацоўваецца шалёнымі тэмпамі. Каб мы тут не перабралі. Таму нечаканыя рэчы адбываюцца. Ну, гэта для іх нечаканыя. Мы ж чакалі, што гэта будзе. Гэта час магчымасцяў. І яны (Захад), самі не разумеючы таго, нас падштурхнулі займацца больш інтэнсіўна сваёй эканомікай», — сказаў ён.
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй5
Каментары