ЗША перададуць Украіне 100 дронаў-камікадзэ «Switchblade». Расказваем пра іх
Switchblade 600 можа трымацца ў паветры да 40 хвілін і наносіць удары на адлегласці да 80 кіламетраў.
Адміністрацыя амерыканскага прэзідэнта Байдэна прыняла рашэнне перадаць Украіне 100 беспілотных баявых апаратаў Switchblade. Switchblade сталі часткай новага пакета ваеннай дапамогі Украіне, паведамляюць амерыканскія СМІ.
Існуюць два варыянты гэтай зброі: Switchblade 300 і Switchblade 600. Першы з іх створаны для высокадакладных атак на жывую сілу праціўніка, другая мадэль беспілотнікаў арыентаваная на знішчэнне танкаў і іншага браніраванага транспарту.
Па сваёй сутнасці Switchblade — гэта аўтаматызаваная кіраваная бомба з камерамі, сістэмай кіравання палётам і выбуховым матэрыялам. Гэтыя беспілотнікі можна запраграмаваць так, каб яны аўтаматычна паражалі цэлі за кіламетры ад месца пуску, прычым яны здольныя рухацца за аб’ектам, дагнаць яго і ліквідаваць.
Switchblade 600 можа трымацца ў паветры да 40 хвілін і наносіць удары на адлегласці да 80 кіламетраў. Гэта аднаразовыя апараты, і яны больш хуткасныя, чым знакамітыя турэцкія Байрактары, якія ўжо знаходзяцца на ўзбраенні ўкраінскай арміі. Калі Україна атрымае яшчэ і Switchblade, гэта будзе самае маштабнае выкарыстанне гэтых беспілотнікаў у баявых дзеяннях на сённяшні час.
Што спыніць Пуціна, чаму расійскія войскі не штурмуюць Кіеў і навошта руйнуюць Марыупаль — распавядае ўкраінскі ваенны эксперт
Смяротна паранены, застаўся прыкрываць сваіх. Хто такі беларус «Тур», забіты пад Кіевам
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары