Расія і Беларусь адмаўляюцца ад даляраў ва ўзаемных разліках за энергарэсурсы
Прэм'ер-міністр Беларусі Раман Галоўчанка расказаў пра вынікі сённяшняй сустрэчы ў Маскве з расійскім калегам Міхаілам Мішусціным. Бакі абмяркоўвалі адмову ад даляра ў разліках за энергарэсурсы, імпартазамяшчэнне, рэструктурызацыю беларускага доўгу і іншыя пытанні.
Галоўчанка расказаў, што Беларусь і Расія адмовяцца ад даляра ў разліках за энергарэсурсы, усе разлікі будуць праводзіцца ў расійскіх рублях.
«Мы прынялі рашэнне адвязацца ад даляра ва ўсіх нашых энергетычных ўзаемаразліках. Гэта натуральнае рашэнне, у сілу вядомых абставін няма ніякага сэнсу больш прывязвацца да трэцяй валюты. Мы даўно пра гэта казалі, і вось такое рашэнне прынята. Як гаворыцца, не было б шчасця, ды няшчасце памагло», — заявіў прэм'ер.
Бакі таксама абмеркавалі беларускую крэдытную запазычанасць. Па выніках перамоваў было вырашана, што Расія правядзе яе рэструктурызацыю, будзе таксама сумесна прапрацаваная аптымальная цана на расійскую нафту.
«Прынята рашэнне па рэструктурызацыі і растэрміноўцы дзяржаўных крэдытаў, якія падаваліся Расійскай Федэрацыяй, аб пераводзе іх з валюты ў расійскія рублі. У прынцыпе, гэта будзе прымяняцца да ўсіх нашых пагадненняў», — удакладніў Галоўчанка.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу9
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары