Reuters паказаў са спадарожніка войскі ў Беларусі ля мяжы з Украінай ФОТЫ
Пра перакідку ваеннай тэхнікі ў Беларусь раней паведамляла расійскае Мінабароны. Штурмавікі і сродкі супрацьпаветранай абароны плануюць задзейнічаць у вучэннях, старт якіх прызначаны на 10 лютага.
Агенцтва Reuters апублікавала спадарожнікавыя здымкі ваеннай тэхнікі ў Беларусі, размешчанай побач з украінскай мяжой. Здымкі былі прадастаўленыя агенцтву кампаніяй Maxar Technologies.
Фота зробленыя 4 лютага каля горада Ельска (менш за 20 км да мяжы з Украінай), Рэчыцы (55 км ад мяжы) і Лунінца (50 км). Maxar Technologies здолела ідэнтыфікаваць на здымках 15 штурмавікоў Су-25 і зенітна-ракетныя комплексы С-400 на аэрадроме Лунінец. Пад Ельскім здымкі паказалі наяўнасць ракетных комплексаў «Іскандэр» і рэактыўных сістэм залпавага агню.
Reuters падкрэслівае, што журналісты не змаглі праверыць сапраўднасць фатаграфій.
Аб перакідцы сіл і ваеннай тэхнікі ў Брэсцкую і Гомельскую вобласці расійскае Мінабароны раней паведамляла афіцыйна.
Напрыклад, 5 лютага апублікавала рэліз, у якім гаварылася, што ў Брэсцкую вобласць Беларусі для ўдзелу ў вучэннях перакінутыя штурмавікі Су-25СМ Усходняй ваеннай акругі з Прымор'я. Аб перакідцы комплексаў С-400 з Далёкага Усходу Мінабароны паведамляла яшчэ ў канцы студзеня.
«Па прыбыцці да месцаў выканання навучальных задач расійскія вайскоўцы правядуць абсталяванне і маскіроўку пускавых пазіцый, тэхнічнае абслугоўванне тэхнікі і заступяць на навучальнае баявое дзяжурства па супрацьпаветранай абароне ў складзе адзінай рэгіянальнай сістэмы СПА Беларусі і Расіі», — паведамляла ваеннае ведамства.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта15
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары