Reuters pakazaŭ sa spadarožnika vojski ŭ Biełarusi la miažy z Ukrainaj FOTY
Pra pierakidku vajennaj techniki ŭ Biełaruś raniej paviedamlała rasijskaje Minabarony. Šturmaviki i srodki supraćpavietranaj abarony płanujuć zadziejničać u vučeńniach, start jakich pryznačany na 10 lutaha.
Ahienctva Reuters apublikavała spadarožnikavyja zdymki vajennaj techniki ŭ Biełarusi, raźmieščanaj pobač z ukrainskaj miažoj. Zdymki byli pradastaŭlenyja ahienctvu kampanijaj Maxar Technologies.
Fota zroblenyja 4 lutaha kala horada Jelska (mienš za 20 km da miažy z Ukrainaj), Rečycy (55 km ad miažy) i Łuninca (50 km). Maxar Technologies zdoleła identyfikavać na zdymkach 15 šturmavikoŭ Su-25 i zienitna-rakietnyja kompleksy S-400 na aeradromie Łuniniec. Pad Jelskim zdymki pakazali najaŭnaść rakietnych kompleksaŭ «Iskander» i reaktyŭnych sistem załpavaha ahniu.
Reuters padkreślivaje, što žurnalisty nie zmahli pravieryć sapraŭdnaść fatahrafij.
Ab pierakidcy sił i vajennaj techniki ŭ Bresckuju i Homielskuju vobłaści rasijskaje Minabarony raniej paviedamlała aficyjna.
Naprykład, 5 lutaha apublikavała reliz, u jakim havaryłasia, što ŭ Bresckuju vobłaść Biełarusi dla ŭdziełu ŭ vučeńniach pierakinutyja šturmaviki Su-25SM Uschodniaj vajennaj akruhi z Prymorja. Ab pierakidcy kompleksaŭ S-400 z Dalokaha Uschodu Minabarony paviedamlała jašče ŭ kancy studzienia.
«Pa prybyćci da miescaŭ vykanańnia navučalnych zadač rasijskija vajskoŭcy praviaduć abstalavańnie i maskiroŭku puskavych pazicyj, techničnaje absłuhoŭvańnie techniki i zastupiać na navučalnaje bajavoje dziažurstva pa supraćpavietranaj abaronie ŭ składzie adzinaj rehijanalnaj sistemy SPA Biełarusi i Rasii», — paviedamlała vajennaje viedamstva.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja za Stolinskaha rajona, jaki paśla vyzvaleńnia z kałonii zabiŭ troch čałaviek
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja za Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary