У космас запусцілі ўнікальны касмічны тэлескоп, які каштаваў 10 мільярдаў даляраў
Ракета Ariane V у суботу паспяхова стартавала з самым буйным і магутным у свеце касмічным тэлескопам James Webb Space Telescope.
«Джэймс Уэб» — унікальны па сваіх маштабах праект, на які выдаткавалі астранамічныя 10 млрд даляраў. JWTS распрацаваны для даследавання таямніц Сусвету. Некалькі разоў старт запуску тэлескопа адкладваўся, а бюджэт праекта істотна ўзрастаў з-за беспрэцэдэнтнай складанасці праекта.
Запуск адбыўся са стартавага комплексу на касмадроме Куру ў Французскай Гвіяне (заморскі дэпартамент Францыі ў Паўднёвай Амерыцы).
Тэлескоп James Webb распрацавала NASA сумесна з Еўрапейскім касмічным агенцтвам (ESA) і канадскім касмічным агенцтвам (CSA).
JWTS з'яўляецца арбітальнай інфрачырвонай абсерваторыяй, закліканай замяніць легендарны тэлескоп Hubble, які з 1990 года маральна састарэў.
Новы тэлескоп у сто разоў магутнейшы за Hubble і можа «бачыць» на адлегласці больш за 13 млрд светлавых гадоў. Ён здольны зафіксаваць выгляд далёкіх галактык, робіць гэта з дапамогай цеплавых хваль, а не бачнага спектру светлавых прамянёў. Да зямлі святло вельмі аддаленых аб'ектаў проста не даходзіць, паколькі рассейваецца сярод касмічнага пылу.
Пасля запуску тэлескопа спатрэбіцца да двух тыдняў, каб раскрыць сонечныя батарэі, антэну для сувязі з зямлёй, сонцаахоўны экран, асноўнае люстэрка і іншыя складнікі.
Прыблізна праз месяц тэлескоп павінен выйсці на так званы пункт Лагранжа на адлегласці больш за мільён кіламетраў ад Зямлі, знаходжанне ў якім забяспечыць апарату ўстойлівы рух сінхронна з Зямлёй.
Яшчэ два месяцы спатрэбяцца для поўнай наладкі тэлескопа і падрыхтоўкі да працы.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»27
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары