Адказ прэс-сакратара Беларускага касцёла на абразу «Мінскай праўды»: Мы молімся і за нашых ворагаў
Прэс-сакратар Каталіцкай царквы ў Беларусі Юрый Санько пракаментаваў вокладку апошняга нумара газеты «Мінская праўда», дзе ў святароў замест крыжоў намаляваныя свастыкі
«Больш пытанняў, чым адказаў!
У час, калі беларускі народ стомлены вырашэнням грамадска-палітычных пытанняў. Змучаны барацьбой з пандэміяй каранавіруса. У святле новаўтворанага дзяржаўнага свята «Народнага адзінства». Рэдакцыя газеты «Мінская праўда» Мінскага абылвыканкама плюе ў твар некалькім мільёнам католікам, якія жывуць у нашай краіне, а калі уважліва паглядзець на размешчаную на першай старонцы карыкатуру, дзе зневажаецца крыж, то лічу, што абражаюць усіх хрысціян. Прапаганда нацысцкай сімволікі.
Няма жадання ацэньваць набор літар, які падаецца як артыкул, лепш гэта зробяць гісторыкі. Ды і пра карыкатуру разважаць тым больш. Дзяржаўная установа, законы ведаюць.
Што гэта? Правакацыя? Хайп? Сумна, але гэта наша рэчаіснасць!
Не магу не нагадаць, што кожны тыдзень мы молімся і за ворагаў касцёла!».
Каментары