На СТБ у праграму запрасілі галоўнага трэнера зборнай па лёгкай атлетыцы Юрыя Маісевіча, якога пазбавілі акрэдытацыі. Трэнер выказаў сваё бачанне таго канфлікту, які перарос у міжнародны скандал, піша «Прэсбол».
— У нас ёсць пэўная спецыфіка. Ёсць разуменне каманды, з якой фармуюцца любыя эстафеты. Гучалі думкі: а чаму яны не прывезлі ў Токіа яшчэ бягунняў замест недапушчаных? Таму што склад эстафеты мы маглі сфарміраваць толькі з тых спартсменак, якія ўжо туды з'ехалі.
Што тычыцца нюансаў… Не хочацца ў гэта ўлазіць. Я лічу, што тое, што адбылося, павінна застацца на сумленні тых, хто гэта арганізаваў. Больш падбіў яе на гэты ўчынак. Думаю, гэта ўсведамленне яшчэ прыйдзе. Разумееце, мы ў той момант павінны былі выратаваць эстафетную алімпійскую каманду.
<…>
І тая атмасфера нездаровая, якая пайшла … бо пачалі бамбіць усялякімі пытаннямі не толькі лёгкаатлетаў, але і прайшліся па іншых відах. І нам трэба было нешта экстраардынарнае прадпрымаць. А тое, што так атрымалася…
Нагадаем, што Крысціна Ціманоўская публічна раскрытыкавала спартовых функцыянераў, якія паставілі яе бегчы на няпрофільную эстафету праз недахоп бягух. Праз некалькі дзён яе знялі са спаборніцтваў і хацелі гвалтоўна вярнуць у Беларусь, але ўмяшанне дыяспары і іншых беларускіх арганізацый перашкодзіла планам функцыянераў. Цяпер Ціманоўская ў Польшчы.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу12
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары