Дзяржстандарт з 22 красавіка забараніў прадаваць у Беларусі вядомыя крэкеры «Tuc» са смакам «вэнджаныя каўбаскі» і «сыр», а таксама какаву MacChocolate.
Гэта значыць, што праз два дні гэтыя прадукты цалкам павінны знікнуць з паліц у крамах і ўвозіць іх у краіну больш нельга, піша Tut.by.
Крэкеры патрапілі ў чорны спіс Дзяржстандарту таму, што ў іх знайшлі недапушчальную харчовую дабаўку. Пры вытворчасці прадукту туды дадалі кансервант пірасульфіт натрыю, ці, як яго часта пазначаюць, Е223. Кампанент заяўлены на ўпакоўцы.
Такую ж дабаўку знайшлі ў прадукцыі іншых марак. Да прыкладу, у салодкіх крэкерах «Крыста-твіста» з начыннем пламбірчык або ў цукровым печыве Napoletan — тут Е223 не толькі дадалі, але яшчэ і ўказалі на ўпакоўцы, што гэта разрыхляльнік, хоць дабаўка адносіцца да кансервантаў, антыакісляльнікаў.
Таксама ў пералік небяспечных трапіў растваральны какава-напой «класічны водар» ад MacChocolate. У ім Дзяржстандарт выявіў дабаўку Е950 (ацэсульфам калію). Яе палічылі недапушчальнай.
Ацесульфам калію ўваходзіць у склад жвачак вядомых гандлёвых марак, якія ляжаць практычна на кожнай касе ў беларускіх крамах. Таксама яго дадаюць у газіроўку, якая прадаецца ў нас паўсюдна.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары