Затрыманы вайсковец. Сцвярджаюць, што ён дапамагаў руху за свабодныя выбары
Супрацоўнікі ГУБАЗіК МУС і байцы САХРа затрымалі 24-гадовага ўраджэнца Магілёўшчыны, паведамляе МУС. Затрыманы да восені 2020 года служыў па кантракце ў Віцебску і неаднаразова выязджаў за мяжу на вучэнні ў складзе сіл спецыяльных аперацый, аднак яго звольнілі за «дэструктыўныя погляды».
Пасля пераезду ў Мінскі раён малады чалавек звязаўся ў Telegram-канале з ініцыятывай BYPOL, падаў інфармацыю аб кіраванні сіламі спецаперацый Узброеных Сіл Беларусі, сцвярджае МУС.
Следчыя распачалі крымінальную справу за ўмяшанне ў дзейнасць супрацоўніка органаў унутраных спраў.
BYPOL — гэта ініцыятыва сілавікоў, якія выступаюць супраць Аляксандра Лукашэнкі і за свабодныя выбары.
Каментары