Былая жонка заснавальніка Amazon выйшла замуж за школьнага настаўніка
Макензі Скот развялася з Джэфам Безасам, заснавальнікам амерыканскага інтэрнэт-гіганта Amazon, у 2019 годзе пасля 25 гадоў у шлюбе. Цяпер 50-гадовая мільярдэрка зноў выйшла замуж.
Макензі Скот і Джэф Безас разам вучыліся ў Прынстане. Яна дапамагла свайму былому мужу заснаваць кампанію Amazon у 1994 годзе.
Калі яны разводзіліся, ёй дасталася чацвёртая частка долі Безаса ў «Амазоне» (праўда, права голасу за гэтую долю засталося за Безасам).
У 2020 годзе Макензі Скот была найбагацейшай жанчынай у свеце. На сёння яе маёмасць ацэньваецца ў $53 мільярды, піша The Wall Street Journal.
Пара паведаміла пра свой шлюб на сайце Giving Pledge. Гэта сайт для мільярдэраў, якія публічна абяцаюць аддаць на дабрачыннасць большую частку свайго багацця.
Пасля разводу жанчына пачала актыўна займацца дабрачыннасцю. Яе новы муж Дэн Джуэт адзначыў на сайце Giving Pledge, што далучаецца да абавязацельства Макензі Скот перадаваць значную частку грошай на дабрачыннасць.
Дэн Джуэт — настаўнік прыродазнаўчых навук у прыватнай школе ў Сіэтле, дзе вучацца дзеці Безаса і Скот.
Былы муж Макензі Скот павіншаваў пару і напісаў, што ён шчаслівы за іх абаіх.
-
«Я сказаў «так». Украінскі спявак Melovin абвясціў пра заручыны з парамедыкам УСУ ФОТЫ
-
Выгнаў жонку зімой на вуліцу, забраў малую дачку: дэталі разводу касманаўта Алега Навіцкага, які, здаецца, цяпер ажаніўся з Васілеўскай
-
Манцёр ліній высокага напружання з Пружан расказаў пра пазітыўны вынік пяці гадоў без сэксу
Каментары